囂張嘅大學生2

筆者一向認同所有人, 亦即係話唔單止大學生, 甚至連中小學生, 包括各界人仕, 都有絕對權利表達個人意見, 不滿, 訴求等. 係上述各項當中, 最重要嘅係堅守人人都有相同權利, 因此任何人唔守規矩, 變相咁同各界人仕正面為敵. 離開咗互相尊重, 即係人人鍾意點就點, 想點就點, 陷於一個永遠處於鬥爭嘅局面, 到最後同歸於盡.

大學學府係作育英才同未來接班人嘅神聖地方, 唔係比任何人存有私心偏見底下運用成鬥爭抗爭嘅發源地! 大學生受到師長嘅培育教導, 好應該學以致用咁用於校外地方, 將一身所學發光發熱, 從而將校譽作無限量提升. 斷冇可能將一小撮人嘅不滿, 或涉及個人利益; 或受其他人疏擺; 或對現政府存有不滿情緒等, 利用大學咁莊嚴神聖

嘅地方攪分化攪荼毒. 無論所持嘅理由幾充份, 用於唔適當環境之時, 不但[未見其誠, 益增其醜]! 文天祥大人推崇仁義, 立論源於孔夫子嘅儒家思想. 孔聖人倡導人必先修己到反身而誠之時, 無處不是天心, 無處不是行仁由義, 接著行不言之教來感化天下. 大學生未識得自律, 卻鍾意去管人; 未識得明辨是非, 卻鍾意妄談高論, 未識得

抑己謙人, 卻鍾意淩辱人哋, 所作所為所思所想完全違反儒家原始精神, 仲口口聲聲自稱自擂冇錯? 有錯都係政府嘅錯! 既然話得政府唔啱, 對住大學畢業典禮之時攪埋啲小動作, 比旁觀者睇嚟屬於十分幼稚同冇腦! 開講都有話冤有頭債有主, 幾唔妥都係中央同港特政府, 攞遮嘅大學生遷怒大學, 到頭嚟把遮係用嚟自己遮醜仲冇癮啦!