人情緊過債!

2014/11/19 10:39:13 網誌分類: 生活
19 Nov

三日唔埋兩日飲宴,係咪人情緊過債吖?

到我地呢個年紀,出入最多嘅唔係酒店、就係大酒店。兩星期前去完大酒店,呢個星期隔日去一次酒店----上星期六午宴響淺水灣酒店、前晚響尖沙咀喜來登酒店;午宴食西餐、晚宴食中餐----新人都係老同學老朋友子女,相識廿幾到幾廿年,梗係唔可以做公價人情啦!

那個午餐花左十個小時,前晚的晚宴共用了五個小時。所以我都講:以後食午餐唔駛預我!

我中學時讀家政系,學煮西餐,所以我以前鍾意食西餐多過中餐。依家做左一家之煮,平時多數煮中餐,感覺上中菜比較多元化。

早幾日經已響網誌介紹過午餐食西餐嘅菜單,又睇吓前晚嘅中菜食咩嘢?

以前中式菜單多是八味主菜,依家大部份都改左六味。其實呢個改變係好事:一來食唔去浪費(食得倒亦難為個肚皮)、二來我讚成貴精不貴多(反正都食唔得幾多)。

乳豬係例牌菜。好唔好?唔同部位唔同,某些部位皮好鬆脆。

翡翠蝦球:又掛住食唔記得影!

海皇燕窩。食味唔錯!

花菇鮑片。又唔記得影!

大海班。蒸得啱啱好!最欣賞侍應將魚頭、魚尾、魚鰭砌番條魚。

炸子雞。分左兩件:一件好淡、一件啱味。不過,見得倒侍應分餸都好有心機,專登每碟分兩件唔同部位嘅雞件。

炒飯。食到呢度經已好飽,加上我又冇飯癮,覺得一般啦!

炒麵。冇食亦冇影!

合桃露。又唔記得影!ok啦,唔太甜,不過我喜歡食倒有粗粒合核果種。

美點雙輝:行貨,都冇咩嘢好唔好食啦!

依家飲婚宴,新人都會安排一份小禮物給賓客:今次呢份係M & M朱古力,特點係響朱古力度印左新人嘅樣、日子同名字。不過,唔留心未必睇得倒!

心諗:個印台係咩嘢物料?印左上去食唔食得?如果食得,俾人食左落肚.....

不過,如果與早兩日嘅午餐相比,我都係鍾意中菜多啲!

 

 

回應 (0)
我要發表
user