佔中_引起暴亂

近期因佔中行動引起咗一連串令全港市民側目嘅事, 特別以有人扮演暴徒身份企圖佔領立法會最引起各界關注! 事後有多個佔中圈子, 多個佔人活躍份子; 多名支持或反對佔中等受薪議員紛紛表態作出嚴厲批評之外, 順帶作出聲明同呢班暴徒毫無關係咁劃清界線! 雖然, 兩幫絕對截然不同嘅人, 一邊打住假民主假和平示威擾亂安寧;

一邊採取實際霹靂行動以示反政府決心! 好難令人相信兩者冇扯猫尾, 做出咁嘅大龍鳳戲之後, 扮作無辜者被人插贜嫁禍; 扮作不知情者毫無心理準備; 扮作自鳴清高者批判暴亂行為. 講出嚟真喺笑壞人個肚都有之! 佔中本身已經喺干犯律法嘅活動, 居然好意思去批判另類犯法活動, 豈不是[只許佔中禍亂, 不許暴徒做嘢]得咁離奇?

如果話暴徒唔關佔中份子事, 都不外自圓其說自己呃自己! 因為暴徒之所以有絕好機會玩嘢, 唔應該多得佔中開咗目無王法嘅先例, 目中無人嘅作風, 先至比有心人見縫插針乘虛而入咩? 正所謂冇人打開中門請賊入室, 點都唔會有咁嘅事發生. 為咗撇除嫌疑, 佔中份子即時表態做SHOW釐清關係, 豈不是無私顯見私? 越描越黑添噃.

從佔中嘅犯法引起其他暴亂行為, 真喺應咗一句[物先自腐, 然後蟲腐之]! 就好比身體潺弱抵抗力差, 先至比潛藏嘅病毒有發作機會; 先至比身外病毒乘虛而入! 而家佔中份子想做正義嘅朋友, 可惜喺一啲資格都冇, 因為佔中好似出師有名, 查實喺冇宗旨, 先至攪到而家收唔到科. 仲有人夠膽講唔可以冇條件撤退, 認真喺不知所謂.