佔中_引起暴亂1

咩嘢叫做唔可以冇條件撤退? 佔中本身就喺冇條件之下, 比一班矇上心厚嘅大中小學生生出嚟嘅怪胎. 奇在呢班書讀咗唔少卻是非不分嘅烏合之眾, 只知做伸手牌攞嘢. 都冇稔過自出娘胎未有對現今社會有過咩嘢貢獻之下, 齊齊做乞兒咁伸出對手乞食一樣逼人施舍. 當家嘅唔比, 就號召大眾乞兒瞓喺人哋門口, 務要不到目的誓不罷休!

佔中之開始打住民意兩個字, 又話民意支持乜; 又話民意支持物, 所以佔中大中小學生人人高舉義旗, 阻人番工; 阻塞交通; 搶奪鐵馬; 自我圈禁而成小國, 對造成附近民生極大困擾同滋擾視若無睹, 因為喺民意叫佢哋咁做喎; 因為喺中央同港特政府逼佢哋咁做喎! 而家有七成民意叫佔中大中小學生見好就收盡快撤退, 點解又唔聽勸?

仲要死撐話呢啲喺別有用心嘅人偽造出嚟嘅民意數字? 點解唔話自己都喺偽造民意去攪犯法嘅佔中呢? 同一番說話, 同一樣理由, 被講成陰謀論嘅虛構情節, 將自己偽造嘅民意濫加利用, 將人哋民意數字批判成偽造不可信, 咁攪法, 佔中何嘗唔喺一言堂欺世盜名? 對自己有利嘅就承認或強奸民意, 對自己冇利嘅就毀謗嚟扣成罪名.

不愧喺讀過幾年書嘅一班壞鬼書生, 真喺心腸夠黑, 死剩把口, 手段夠毒, 搵代罪羊. 從無政不反, 到今日攪到似暴動一樣嘅戲碼上演, 呢班壞鬼書生又使壞心腸咁轉移視線話唔關佢地事? 世界上有咁無恥嘅人, 先至做出無恥嘅事, 連同一班無恥議員, 都唔知希望暴亂快啲出現幾耐. 當局一話要嚴打罪行時, 又同一鼻孔話唔關佢地嘅事?