佔中_空想多過現實

佔中呢壇嘢已將逼近兩個月, 直到而家呢班烏合之眾仍然咬住香港未來唔放, 所以有評論家指斥呢種冇腦嘅行為, 已經傷害香港未來三十年約一萬一千億. 至於呢個數字單指收入? 或單指利潤? 或單指除稅前數字? 評論家未有清楚講明, 但單睇一萬一千億呢個數字都已經令人觸目驚心. 如果, 將呢個數字要呢班烏合之眾揹上身,

每個人要負債還比香港全港市民, 平均要揹幾多? 揹唔揹得起? 要還幾耐? 又還唔還得起? 呢班食飽飯無憂米嘅腦殘一族, 一味要呢樣要嗰樣! 將原來應該理想同現實並重嘅生物鍊亂咁斬開, 要理想唔要現實, 寧可餓住肚皮都要空泛嘅民主, 寧可逼其他無辜者一齊餓死都要空泛嘅民主, 永遠沉醉於自以為是嘅民主, 簡直不切實際.

呢班腦殘成日口講民主, 個心成日形住喺由人民作主! 筆者曾經多次提到如果呢班腦殘所講所稔成為事實, 肯定世界大亂社會動蕩都得啦. 人民作主喎, 豈不是七百萬人有七百萬個主意, 到底邊個話得事? 到底邊個講至算? 當然, 有朝一日七百萬人嘅七百萬個稔法都一致, 換句話講七百萬個稔法濃縮成為只得一個, 而且喺唯一一個,

咁先至叫做民主! 擺到明而家腦殘推行嘅佔中犯法行為, 未有一個稔法喺一致嘅, 未有一個口號喺貫徹執行嘅, 未有一個理念喺上下一心嘅, 全部都喺班腦殘自說自話, 將自以為喺民主啲嘢塞比全港市民, 反而市民想佢地撤退嘅民意不被呢班腦殘接納. 呢種自摑咀巴唔要面嘅行為就喺佔中行為? 真喺張牙舞爪面皮厚, 看你橫行到幾時?