joboche1
joboche1
joboche1

佔中_教育失敗造成2

2014/11/24 10:29:12 網誌分類: 齋_TALK_廣東話
24 Nov

社會教育崇尚批鬥, 所以大有大批; 小有小批; 上有上批; 下有下批; 官有官批; 民有民批; 啱又批; 唔啱又批; 好有批; 唔好又批; 正又批, 唔正又批; 校園嘅批鬥, 家庭嘅批鬥, 能夠展示口才嘅都會無一倖免被批到體無完膚. 總之由朝批到晚, 唔理自己會唔會傷及無辜, 總之喺批紅對眼, 唔流血見紅就勢都喺假! 武力由社會造成!

 

再睇睇批鬥嘅近況就喺唔會依足口號[和平]呢兩個字進行; 反而變改口號要行動升級; 繼而造就咗機會比人幪面衝激立法會; 所有活動一早部署以武力對抗中央同港特政府先至喺佔中嘅原貌. 之不過, 要發起時得到市民支持極不容易, 為咗呃班老襯支持, 為咗呃班父母簽名授權仔女參加佔中, 打出好聽嘅口號以[和平]為主, 而事實

 

上從冇真喺依和平去發展步伐, 令到佔中參予者心知比人搵笨, 又唔夠膽聲明退出. 怕被所屬校內學生會秋後算賬, 唯有焗住頂硬上. 縱然知道有機會被拉同落刑事案底影響終身, 寧可跟風跟隊佔中批鬥, 都唔可以得罪學生會, 否則唔可以喺學校立足! 批鬥, 由社會引進西方文化一手造成, 佔中份子成為怪胎批鬥一族, 真喺冤哉枉也!

 

五至七十年代香港所存嘅獅子山下精神, 已經被批鬥文化腐蝕晒! 雖然當年好多間專上學院都先後升格成為大學, 為咗迎合社會主流批鬥之風, 所設立嘅科目都偏離個人精神修養德育栽培. 約十多年前有某大學教授批評當時大學生水平不知所謂, 連基本自重都唔識, 令大學名譽受損. 只可惜呢一集嘅訪問未有重播, 令筆者至今十分懷念.

回應 (0)
我要發表
user