佔中_有前瞻冇可行1

支持者睇到佔中出爾反爾已經喺一弊; 打住民意行事又喺另一弊; 以武力衝激執法人員喺第三弊; 有勇無謀喺第四弊; 思慮不周喺第五弊; 冇劃一聽命就各自行事喺第六弊; 擾亂民生阻人生計喺第七弊; 強調民意變成強姦民意喺第八弊; 籠裡雞作反離心離德喺第九弊; 以民生要脅中央及港特政府喺第十弊. 仲有其他弊端未計算在內,

令到原訂目的嘅真普選同香港人管香港事變成次要, 令支持者確信大中小學生熱血有餘, 冷靜不足; 敗事有餘, 成事不足; 守常有餘, 應變不足! 全港市民要為生計日又上班夜又上班, 只有大中小學生唔使做嘢伸大手板就有錢使. 佔中參予者冇將市民渡日為艱手停口停嘅事實上心, 對未來打住前瞻性去犯法, 對可行性嘅輕視造成敗象.

古人講得好: 有所為有所不為! 苟能利眾, 則身雖死而無憾! 反之, 誣民擾民, 則百死不足以贖罪! 再者, 佔中一開始講明和平佔中, 而事實上, 從衝鐵馬搶鐵馬之時, 已經證明喺武力佔中. 如果, 能夠一直堅持和平佔中, 就好應該任由港府進行拘捕而不拒捕, 以無聲抗議; 以守法行為; 以言行合一; 證明比全港七百萬市民佔中喺和平.

如果, 佔中大中小學生能夠做到打不還手罵不還口, 筆者相信一定更能感動全港市民; 更能感動未支持唔支持或考慮支持佔中人仕改為一致支持. 只可惜佔中以嚟嘅表態只喺一味嗌口號, 對反對聲音嘅背後有冇善策彌補政府不足? 依然喺乏善可陳! 狼來了嘅故事大家耳熟能詳, 佔中所嗌口號何嘗唔喺狼來了? 何嘗唔喺冇長治久安手段?