佔中_有前瞻冇可行2

佔中嘅原有目的, 無非想中央同港特政府表態, 解除港人疑慮; 解除未來接班人疑慮! 只可惜中央一貫作風依舊喺一言堂, 而港特政府於佔中事件一味拖字訣. 既冇撫慰佔中人仕嘅憂慮, 更冇肯定佢哋身雖犯法卻出於善意. 中央, 港特政府, 佔中人仕, 全港市民嘅目的喺一致嘅, 就喺想香港好; 香港未來更好; 香港未來主人翁同後代都好.

既然目的一致, 但礙於立場不同, 先至攪到而家要武力清場. 依筆者個人愚見睇嚟, 港特政府唔應該比佔中出現, 應該於佔中第一日就要驅散, 甚至再安排適當人選做中間人嚟進行深層次談判. 由於港特政府懦弱無能, 佔中人仕目無王法, 先至令其他無辜者深受其害有苦難言. 佔中之發起喺為未來而作出前瞻性大膽性嘅訴求, 雖然出於

一片善意, 最估唔到存在別有用心嘅人煽風點火挑撥離間, 將佔中伸延佔旺佔銅. 好聽嘅喺令港特政府同執法人員疲於奔命, 唔好聽嘅喺令全港陷入長期黑暗歲月. 最可笑嘅喺一班未來接班人玩嘢, 變成受人擺佈都唔知嘅一場鬧劇. 所謂項莊舞劍, 志在沛公. 佔中表面摑港特政府, 其實喺摑中央政府. 邊個夠膽咁做? 相信背後定有能人!

第二個最大理由喺佔中完全漠視香港喺地方政府, 要聽命於中央. 如果, 香港順應佔中想點就點, 中央就好難向中國境內咁多個省交待, 此例一開, 更唔可以一如既往咁約制咁多省政府或地方政府. 香港新一代只停留喺英式殖民地時代嘅管治, 以為英國嗰一套政治手法好過中央共產黨, 忘記咗中西文化之截然不同, 唔可以妄斷一概而論.