佔中_本身喺犯法

佔中, 本身經已喺犯法行為! 如果, 所佔嘅地方或地區屬於偏遠一帶, 相應對民生直接或間接影響唔大, 咁樣就會比較被全港市民受落. 試想一下, 世界邊個國家? 邊個民族? 邊個政府? 邊個社會鍾意動蕩架? 相信唔會有! 就算出現咗動蕩, 都想快啲平復, 唔想拖咁耐, 致令常規受創民生受苦! 佔中既然喺犯法, 又一意孤行咁唔理

無辜者嘅感受時, 一下反彈, 會令佔中遲早被市民離棄, 更嚴重嘅喺會出現反武力行動驅趕佔中. 從立腳點睇嚟佔中喺跛腳嘅, 亦由於跛腳, 一直依恃市民支持作為後盾. 如今佔中唔理市民搵食受阻, 自然令市民唔耐煩兼且火滾, 對佔中一族越睇越唔順眼. 另一方面, 佔中開口埋口打住民意做號召, 而家市民厭倦佔中, 口號仍然未改?

佔中強姦民意嘅做法, 不但加快支持者離心. 再講, 除非支持者有金山銀礦大把錢, 可以唔做嘢都餓唔死咁一直支持佔中, 否則家家戶戶都要搵錢搵食, 邊得閒佔咁耐中? 邊得閒餓住肚皮講民主講自由. 家家戶戶都明知佔中大部份喺學生身份, 冇經濟包袱, 唔使憂柴憂米, 所以玩佔中可以冇限期玩落去, 所以目無王法同埋藐視法庭.

佔中抗拒執法人員之時幪面上陣. 如果真喺敢於為佔中犧牲個人一切, 就唔使幪面驚人點相怕比人拉啦?! 幪得面, 變相表面自己態度, 有乜依旭隨時就縮. 因為幪咗面, 睇怕冇人會認得自己曾經佔中, 睇怕有起事上嚟都容易甩身! 假使搵藉口解釋唔想吸入警方施放嘅噴霧先至幪面, 倒不如戴豬咀仲殺食, 想鬆人鬆得咁易得唔得先?