佔中_隨筆2

睇住佔中事件成個過程, 當中有遠見有抱負; 有真心有誠意! 只可惜單有呢四樣嘢喺唔夠, 仲要知己知彼, 先至可以有機會百戰百勝. 連自己嘅弱點都未清楚; 連政治遊戲點樣玩都唔知就落場; 有乜辦法會唔累事? 佔中一班大學生熟讀咗幾多本政治鉅著? 莫講話成班佔中大學生冇幾多過喺修讀政治系; 就算政治系大學生都唔一定識政治!

最令筆者關注嘅喺呢班未來接班人冇一個夠冷靜! 唔好單靠紙上談兵嘅理論論政; 唔好輕信英美俄啲學生運動可以搬到華人國家; 唔好忽略古往今來嘅運動所處於乜嘢嘅氛圍! 筆者一再提到, 國父孫中山先生振臂一呼, 得到全球華人響應, 喺因為晚清積弱無能固步自封! 就算民國嘅五四運動, 何嘗唔喺身處軍伐日侵民不聊生嘅年代?

最近期嘅六四事件八九民運, 中國處於正在開展走向國際舞台又根基未穩嘅年代! 九七回歸後嘅香港, 要承擔八國聯軍下被搶去做殖民地嘅歷史包袱. 呢班佔中大學生大部份仍未出世, 對歷史遺痕感受唔深, 卻適應英國統治文化, 對回歸後嘅中國從不接受亦從不認識! 最不能改變嘅事實就喺香港屬於中國嘅地方, 無論任何一個香港人

都冇權對香港指指點點要要求求! 尤其喺呢班佔中大學生!! 從政治角度而言, 誤會愛國一定要愛共產黨已經喺不明事理! 唔通移民美國宣誓入籍美國, 要愛美國之餘就要愛現任執政黨咩? 至於香港喺屬於中國嘅地方, 政府喺中國地方政府, 有任何人不滿, 可以攪移民, 絕不能夠因應自己個人理由發動暴亂同全港七百萬市民過唔去噃!