joboche1
joboche1
joboche1

佔中_隨筆3

2014/12/02 10:05:26 網誌分類: 齋_TALK_廣東話
02 Dec

要留喺香港就要守中國憲法之同時, 亦要守香港地方法律! 相信全世界任何一個國家同政府都唔會對暴民客氣, 何況中國現任政府仲有大把元老派坐陣, 比佔中一班大學生玩得起, 中國早就亡國啦! 筆者強調, 想要扭住現時局勢打破常規, 唔能夠似打止痛針咁治標不治本手法, 要有愚公移山嘅不死不朽精神. 當局要我哋守法, 我哋就

 

乖乖哋守法. 不過, 將全部精神時間培育真正人才, 入職政府, 從低做起, 累積從政經驗. 化整為零, 到工作二三十年, 人人都年近或年過半百, 屬於當打之年, 或處於高位或位任司長, 到時再聯手整頓香港政府架構. 在中國憲法監控底下做出另一新頁, 呢種先至叫做薪火相傳; 呢種先至叫做真正交棒比後代. 古人話: 功成不必在我!

 

只要後繼有人, 只要子孫爭氣; 只要徒弟圓咗或完成自己心願, 跟自己親自出手冇分別. 反之, 依而家佔中一班大學生知進不知退, 唔識得保持實力, 一面倒同政府硬碰, 實在喺不智到極. 既然打出民主民意作為口號, 就更應該貼近民心去做一切事, 而唔喺違背民心走去做自己以為喺啱嘅事. 更何況一旦違犯民心, 就算自己出心幾啱

 

都會變成錯! 民心大於一切! 冇民心相向, 即喺冇民力做靠山! 冇民力支持, 一班大學生攪呢個佔中有乜作為? 從和平到暴力, 從團結到離棄, 一班大學生冇反省, 冇檢討, 冇勇氣, 冇計劃! 樣樣都欠奉, 只知憑血氣方剛就自以為是自把自為, 將民主年期因為自己無知而受累被拖到幾時? 不知天時地利人和卻妄言行動, 一定衰收尾!

回應 (0)
我要發表
user