偽善！
據知，通常絕食者絕食頭三、五日都勉強頂得住，去到近十日、八日左右，絕食者就會開始體力不支，然後醫生就會作出勸告，最後絕食者就會聽從醫生建議，停止絕食，入院檢查。除非一個人絕食至死，否則要做到無限期絕食近乎無可能，黃之鋒等人成日話政府用「語言偽術」，而家佢話自己會無限期絕食，會唔會先係「語言偽術」呢？
至於黃之鋒點解要打悲情牌絕食，似係為左自己個「光環」多啲。打從佔領行動開始，黃之鋒雖然登上《時代雜誌》封面，但自己響香港人心目中既形象越嚟越差，到前日學民同埋學聯叫人圍政總，講白啲就係推人去死，相信連唔少支持者對佢都有不滿，與其話絕食爭普選，不如話係絕食爭「光環」。
明知絕食唔可以迫政府甚至中央讓步，黃之鋒支持度大跌既時候毅然絕食，唔係為普選咁單純呀？有興趣上yahoo睇吓啦，有關報導，有七成網民都認為好無聊！而且，真係要以死相諫嘅，最好係自焚啦---一定上倒頭條！呢啲係普羅大眾嘅期望，希望佢唔好有負眾望啦。
周刊載：佔鐘禁制令頒布前夕，學聯及學民思潮號召數千人周日包圍政總，觸發激烈衝突。據悉，雙學懶理泛民反對，與社民連聯手策劃。本刊直擊學聯副秘書長岑敖暉，多次出入社民連的私竇，商討大計。梁國雄的助理周日協助雙學主帥潛入立法會，避過拘捕，兼在社交網站發號施令，再由社民連等團體帶領眾人圍攻。 (好人好姊都唔會同果啲嘢扯上關係啦)
佔中「三老妖」攪到香港亂過亂世佳人！係佢地引班靚出嚟攪出個大頭佛，但係就冇本事帶班人返屋企。香港失控啦！你班友受外國錢財、響香港攪災，自首有屁用呀！聽清楚呀：佢地自首係承認「非法集會」咋！呢條罪好輕咋。如果警方告佢扇動群眾，為禍香港，嚴重破壞香港經濟，咁又如何？佢地認唔認罪吖？
呢班「飯民」仲衰！
公民黨梁家傑對自首一事支吾以對，回應時更盡力避提「自首」二字，只稱：「起碼要睇到(佔領行動)何去何從、比較清晰，先睇吓點處理。」...(你不如話睇吓三妖下場，先決定下一步點走)
民主黨主席劉慧卿則直言，要待佔領運動完結才會去自首。(難怪佢唔想平息件事)
工黨張超雄現階段同樣不會自首，但就分析，「佔領」與「反佔領」雙方的仇恨已經去到極嚴重地步，佔領三人組自首，是要叫停升級中的暴力。(咁你係咪嫌未夠暴力吖？我知你同警監會熟咯)
張超雄：「大家如果經歷過啱啱金鐘發生嘅衝突，就知道而家暴力係升級，而且唔單止警方，可能示威者都有潛在危險。」
黃毓民：「我反對張超雄呢個講法，我唔明佢點解會咁講。示威者有幾暴力？呢個係互動，差佬瘋狂咁打人，示威者擋就叫做暴力？張超雄呢個講法，對嗰啲俾人叫嚟包圍政總同喺旺角守左幾廿日嘅人，係好唔公道！」(呢個同長毛、大舊、基佬全都係為恐天下不亂嘅，唔駛聽佢地廢嗡)
講到尾，以上呢幾位都係「尊貴」議員，點捨得放棄身份同地位吖(最主要係份糧囉！為左錢出賣國家都得喎)---如果判監超過三個月，就要搣柴架啦！班嘢叫佢地辭職攪公投，佢地都唔制啦。
唉！好彩萬「黑」叢中，仲有一點「白」啫！
湯家驊：我們唔清楚「雙學」的目的是什麼，我們留意到昨天早上，「雙學」的代表聲稱圍堵行動取得初步的勝利，令公務員半日返唔到工，但這個是不是就是目的？如果只是中環工作的公務員半日返唔到工，值不值得增加雙方的仇視，令這麼多人受傷？令雙方更加各持己見呢？這是令人最擔心的地方。
也正因如此，我昨天發出聲明，我的關注點與泛民稍有不同，我關注社會分裂嚴重，當社會去到父母不能與子女聊天，兄弟不能與子女聊天，老友成為陌路人，甚至是仇人，我們這個社會是不是拿到民主就可以呢？
我呼籲大家不要每日開記招譴責對方，……是不是解決到問題呢？可不可以停止譴責對方一日呢？做不到！
光榮退場是一件好事，他們已經得到前所未有的成果，影響力遠比立法會議員大，如果民意開始逆轉的時候，不光榮退場，可能會前功盡棄。我希望他們盡快討論退場機制。(呢啲算係人話、仲係公民袋裡面惟一一個仲似番個人嘅)
呢個世界冇無恥之人，祇有最最最無恥之人(？)：
有錢大晒呀？不過，經過呢兩個幾月，我真正覺得有錢真係駛得鬼推磨架：要幾多臨記、要幾多物資、要幾好戲、要瞓身又得、要企起身又得、要搵條命搏又得(祇要有安家費)、要絕食都得！
咁叫做「愛與和平」？陳老妖仲好戲到話見倒「手無寸鐵」者俾警員打，佢覺得好心痛---唔該佢檢查吓自己係咪眼盲？盲嘅都睇倒班嘢絕非手無寸鐵啦！
第一張相最有創意！
＋２