佔中三子_自首無恥

佔中三子終於肯自首啦! 可惜, 佔中三子願意自首, 係經過精心部署百般思考, 以承認參予非法集會為主要自首理由, 從而跟兩學撇除關係, 希望就算有關罪名成立, 判刑將會減至最低. 其次, 基於主動自首份列減刑最主要嘅成因. 呢三位真係冇死錯人, 成個記招過程並冇承認發動同鼓吹佔中, 當時更鄭而重之公開囑咐所有

參予者要冷靜應唔應該參加佔中, 因為會觸犯刑事案例, 並會終身留有案底. 時至今日, 呢三位睇到佔中失控, 自己冇力駕馭同疏導, 唯有於緊急關頭喱埋一面, 美其名身為大學教師唔可以請太耐長假, 而事實上喺隔岸觀火. 由得一班支持者同官方拼個你死我活, 有利於自己時就亮相邀功, 冇利嘅時候就打出會自首但冇時間表嘅言論.

佔中三子用盡所有方法推兩學學員同陷法網, 而家又要割蓆式嘅扮做好人. 如果用番勸兩學嘅說話內容將精神轉移到教學層面, 佢哋三個就唔會鼓吹同煽動啦! 如果三個能夠為民主教育下一代人才接班人, 就唔會開記招宣佈佔中啦! 就唔會令到事件失控啦! 今時今日佔中比香港市民唾棄, 仲唔多得呢三條友聯手打造嘅一場好戲咩?

俗語講得好, 呢三條友又要做妓女, 又想攞貞節牌坊, 仲想利用純真率直嘅大中小學生成為佢哋嘅馬前卒, 成為佔中整件事嘅真實犧牲者. 尋日個記招仲猫哭老鼠話見到警方對學生動粗感到心痛?!? 呢啲大話就唔應該再講, 聽落都喺唸梗台詞背梗對白. 佔中一事由三人發起, 佔中過程比呢三條友不斷抽水, 佔中參予者信錯三條友!