佔中三子_自首無恥2

睇到報紙, 有佔中支持者聲明佔中三子利用佢哋走上前線, 而家離棄佢哋走去自首. 對呢班支持者嚟講無疑喺受到出賣! 想想過去六十幾日, 為咗貫徹所要求嘅, (雖然依筆者個人睇法喺屬於過份嘅要求!) 一直義無反顧咁留守現場, 不惜同官方警方硬拼; 不惜藐視法庭將所頒佈的清拆令視若無睹, 而家叫佢哋佔中嘅發起人走去自首?

從呢三條發起人一早龜縮喱埋一邊, 都已經證明佢哋只有空談式嘅理論, 絕冇實際嘅反政府行動方面嘅現場經驗. 換一句話嚟講, 佔中三條友喺將反政府行動設好圈套比兩學學員同支持者做白老鼠式嘅實驗, 因為佢哋只知單從理論佔中喺可行嘅, 如同美國何嘗唔喺比人佔領咗華爾街一段日子. 但呢三條友唔知一旦實踐起嚟, 到底

喺行得通行唔通, 佢哋都冇把握. 所以, 先嚟一個記者招得會發表將會佔中, 言談中有意間無意間或直接地間接地鼓吹佔中逼令中央同港特政府妥協讓步. 由於呢三條友力量有限, 所以不斷煽動群眾激勵學生從校園走去前線, 從平民百姓變成暴徒先鋒. 將曲解民主自由嘅詮釋移植一班支持者嘅心靈深處作催眠式嘅思想控制. 如果

講共產黨喺洗腦專家, 呢三條友同樣喺洗腦專才, 水準唔差得過共產黨! 睇到兩學學員為咗呢三條友個人嘅理念就瞓晒成個身, 有學唔番; 有書唔讀; 有試唔考; 有功課唔做唔交; 有業唔畢; 呢三條友嘅洗腦功力已經出神入化.. 連自己都可以催眠成一代宗師, 自以為可以帶領學生打出民主嘅新一頁, 完全喺自我陶醉嘅催眠神功.