佔中_隨筆4

有絕食學生自稱生於亂世! 筆者愚見認為呢番言論不但言過其實, 同時亦自抬身價, 亦都變相將發動或參予佔中呢種犯法行為進行美化同埋開脫罪名, 換句話講就係死撐佔中永遠是對的, 那怕要犧牲他人一切福祉, 都值得發動人仕或參予人仕可以罔顧其他人嘅生存應有權利去維護所謂佔中? 筆者一向強調全世界任何人種都可以

無限次咁去表達個人所思所想, 就算有關言論未必被人認同, 甚至招來迎頭痛撃. 只不過, 表達個人所思所想嘅最基本條件就喺唔可以傷害到無辜嘅第三者. 否則, 有天大嘅理由去表達天大嘅理念時, 就會變成利用其他人嘅力量去滿足一己之私嘅想法做法. 要知道世間永冇不勞而獲嘅著數, 同時亦永冇任何權利去利用或犧牲他人.

佔中呢件事, 筆者只取一班學生嘅赤子之心, 但唔認同佢哋嘅手法. 如同日前筆者曾經提到要爭取民主自由, 必先要爭取到民心. 因為民心即喺民意! 就好似八九民運一樣, 當年使嗌口號上街表達不滿咩? 點解可以全港響應? 就因為人同此心心同此理囉! 全港幾百萬人一條心叫做民心, 幾百萬人同一理念謂之民意, 連當年中央政府

都要受到一定程度壓力, 點似得今時今日呢種佔中? 點同八九民運可以相提並論? 正所謂出師無名, 行動就會難以持久! 正所謂思慮不周, 自然喺衰收尾收場! 正所謂知進不知退, 必定會同全港市民為敵! 既然打出民主民意, 所作所為全部喺為咗自己個人利益要成為封面人物國際人物. 為咗虛名, 就可以出賣自己同出賣全港市民咩?