鬼拍後尾枕

輸完又賭冇時停

累到街坊眼矎矎

招惹鳩嗚來混賬

此人正是敗家精

昨日大腰亭教頭忽然公開聲稱和平抗爭已經過時、往後要使用更激烈手法去爭取民主喎！照咁睇、大教頭似乎經不起失敗、以致走火入魔都未定咯！他似乎忘記咗是因為他龜縮才令到佔中一敗塗地、忘記咗係佢累到班門生個個豬八戒照鏡裡外不是人、忘記咗係佢連累街坊生計不保、現在居然又話要玩硬打硬、仲有冇人肯聽佢支笛呀？

俗語有講、寧願犯天條都唔好犯眾憎、而大教頭卻偏要犯眾憎、佢搞嘅佔中搞得一塌糊塗、結果啥也討不到、還要累街坊生計不保、甚至連人家份年尾雙量、花紅都被可能吊起、更弊家伙嘅就係惹來幾幫鳩嗚團和揸煙團（佳音團）人馬、打着正黃旗旗號到處妨礙人家做生意、現在更離譜到連工展會都被鳩嗚團踩場、都可謂無孔下落喇！咪話在下唔通知一聲、但凡在政治運動之中、總會有些人明是來幫助你、但實際上是來靠害你嘅。注於點樣去劃分清楚、大概唔使人教啦！係嘛？

呢嗱、原來呢個世界上真係有鬼拍後尾枕呢回事嘅。大家都有眼見、鐵血幫搞鳩嗚團晚晚四處去鳩嗚、而拳頭幫亦搞一個揸煙團夜夜為你報揸煙、江湖上已經被這而幫人煩到連阿媽都嗌怕、而工頭李驚死執輸、拿拿聲派遣自己隻頭馬水佬杰帶人到工展會場內打黃傘兼鳩嗚、結果搞到神憎鬼厭。依在下睇、工頭李是要宣傳真普損、多過宣傳真普選。否則點解要派人跑去工展會打黃傘咁乞人憎？事實上、從任何一個角度去睇、都難以將工展會與真普選拉上關係吖嘛！由此可見、當飯盟喪失咗道德高地之後、就馬上變成喪屍群、根本唔知自己做緊乜。在這場政治博奕之中只能算係棋屎一名。那就難怪輸咗都唔知點解矣！