樹子炒油麥菜

油麥菜，即是台灣人所叫嘅A菜。廿年前，台灣菜在港都幾流行----蕃薯粥、炒A菜、黑白醉雞....

近年在港有點式微，祇剩下一些台灣麵店及珍珠奶茶之類嘅食肆。

十多年前，屋企樓下開了一間台南台灣食肆。既然咁近，梗係有幫趁過啦！台灣餸出名碟頭細，但那間食肆價錢一點不便宜！所以，開左約半年便結業。

我第一次接觸「樹子」便是在這家食肆，那次是用樹子蒸烏頭；樹子味帶酸甜，有核，蒸完餸亦可以食！當時我阿媽好鐘意食佢。

事隔咁耐，最近見「肥媽」響節目度介紹呢味菜，又心思思整吓。

材料：

油麥菜半斤切段

香樹子連汁   廿粒

 燒油下油麥菜爆炒至少許軟身，下香樹子再炒一會便可。

註.

一. 油麥菜不宜煮得過熟。那時在台灣食肆叫炒A菜(其實係灼出嚟)，總覺得啲菜好生，原來係要咁至啱喎！

二. 香樹子可在專賣台灣食品的店鋪買倒，一小樽賣廿多圓；反而早一兩年我響裕華超市買過，當時係$36一大樽(是台灣店的四五倍大)。

三. 香樹子亦可以用來蒸魚，本身有咸味。