阿女妳搞乜呀?

2014/12/22 14:40:40 網誌分類: 講人自講
22 Dec

阿女唔生性

跟人去亂政

弊在打瀉茶

通番有餘慶

 

早前數名大北劣顛國會政客欲到紫荊城調查天朝是否有履行「離合聲明」、誰知尚未啟程就被天朝拒絕入境、結果令到大北劣顛皇國顏面全無。那群政客本想要求首相家霉倫向天朝作出懲罰性報復、奈何今日之大北劣顛皇國已非昔日之日不落帝國、一切皆力不從心矣!正當這群鬥敗公雞愁眉苦臉不知如何是好之際、忽然想起近日在紫荊城嘅鬥敗小母雞大生會常委梁厲摑、於是邀請她合演一齣視像阿Q大吹水、齊齊數臭天朝以泄心中忿恨。誰知老氣橫秋嘅金紫荊公社尊貴旺角興大發雷霆、指責厲摑姐為現代版「吾衫貴」引番兵入關。

 

喂喂、旺老兄、人家厲摑姐只不過係同班鬼佬牛衣對泣一番、並且順便提下北劣顛係有義務維護紫荊人利益咁啫、純屬死雞撐飯蓋架咋、唔係咁都睇唔開係嘛?呢嗱、講到北劣顛皇國維護紫荊人利益呢家嘢、其實當北劣顛政府在「講人」護照上嘅「北尖顛國公民」後面加上「括弧海外」字樣之時、就已經跟城中的所有人脫離關係。歷史告訴我們、當北劣顛退出其它所有殖民地之後都不具備干預人家內政嘅特權、所以紫荊城沒有理由會例外。其實以阿爺嘅性格而言、根本不可能容許「離合聲明」涵蓋範圍包括北劣顛有權監察紫荊城後繼發展嘅權利。撇開這些不提、單憑北劣顛目前國力根本上不足以令天朝答應讓她插手干預本城內部事務。即使強如花旗亦只能跟天朝在枱底暗中較量而不敢明打、何況是早已打倒蹆嘅北劣顛?這就是現實、絕不為人類意志而轉移的。明冇?

 

坦白講、目前紫荊城嘅形勢有如一個幾經破碎嘅大家庭得以重整、但重返大家庭嘅部份人不服大家長嘅家規太專制而不停搞對抗、甚至有人要找外人對負家裡面嘅人、都可謂悲過悲秋風矣!睇嚟、這家人想太平都幾難矣!嗚呼哀哉!

 

回應 (0)
我要發表
user