上湯菜膽雞
2014/12/25 18:26:57
網誌分類:
食譜
呢個真係懶人之選------一鑊過:有湯、有菜、有雞。
材料:
旺菜一棵
法國BB黃雞一隻
上湯或水
蒜頭拍扁兩粒
粉絲一小札
一. 雞解凍後劏開去內臟洗淨抹乾,內外擦上鹽及淋上酒醃半小時。
二. 旺菜切大件,粉絲浸軟隔去水。
三. 鑊內下油爆蒜頭,下水/上湯及鹽調味;將菜鋪上鑊內,蓋上煮滾。
四. 將雞鋪上菜上,蓋上煮滾收細火蒸焗約15分鐘(視乎雞大小)
五. 雞蒸熟取出。
六. 將粉絲放入湯內,煮稔即可上碟。
七. 雞斬件上碟。
註:
一. 因煮菜的時間頗長,所以不宜選用綠色青菜。旺菜與娃娃菜、津白、黃牙白都係同一類,選任何一種都冇問題!呢棵旺菜我響超市買,一包兩棵(約十蚊),我食剩左呢一棵。
二. 醃雞不宜落沙薑粉之類醃料,會影響湯的味道。我用的BB雞冇咩油,所以啲湯好清;如果用其他雞,可以利用埋啲雞油煮菜。
三. 如想喝湯,可以不落粉絲。我落粉絲係想佢索左啲湯。
四. 若屋企人多,可以將雞切後鋪上菜及湯面,變成一味餸。
我鐘意食雞,一定會偷呢個餸!正!