新年願望

一. 早審「雙貪案」，還市民一個廉潔香港，恢復市民對廉署執法的信心；

二. 執法要一視同仁，政府不能軟手軟腳，船頭驚鬼、船尾驚賊；

三. 拘捕「鳩嗚」一眾，還市民安寧生活；

四. 盡速立法：康文署場地不應批出讓人長期佔用(即使用唔同團體名義申請)、設蓬留宿；公眾地方有公眾地方用途，但凡違反用途者，應立即驅散或拘捕；

五. 盡早執左「香港電台」，唔應該浪費納稅人錢，姑息養奸。

-------------------------------------------------------------------

今早聽「新城電台」新聞評論，講及港鐵西環「香港大學站」的命名，英文是「HKU」即是Hong Kong University。此乃全港第一個用英文縮寫作站名的鐵路站：因為「大學站University」已被東鐵所採用，此「大學站」實則是指「香港中文大學University」。依家無端端多左個「大學站」，要嗎便將現有的「大學站」更正為「中文大學站Chinese University of Hong Kong」，否則便有問題！但「香港大學」正式英文是「The University of Hong Kong」，祇不過香港人習慣稱之為「HKU」，可能外國人睇唔明架。

但是，如果將現有的「大學站」改名，可能會引發一連串要改名危機：「九龍塘」可能要改為「城市大學」、「紅磡」可能要改為「理工大學」....牽一髮而動全身！唉，改咩嘢鬼吖，以前大學生受人尊重，依家市民見倒大學生都驚啦，駛咩鬼幫佢地諗咁多吖！「香港大學站」改做「寶翠」就啱啦。

東鐵「中文大學」果頭冇大型屋苑，響果度出入嘅大多係中文大學學生，所以叫做「大學站」啫，現時「香港大學」果頭，「寶翠園」係大型屋苑，何解要命名為「香港大學站」？搭車響果度出入嘅香港大學生佔幾多個百份比？

所以，第日有人問路去「大學站」，你真係要問清楚佢去邊間大學，否則馮京作馬涼，天南地北，點條黑路俾人行！如果被問果個係我，我會勸佢唔好去，特別係「香港大學」，教職員質素差、學生水評更差，千其唔好入，否則前途似咁！我吾會點條黑路俾人行。

。