冰封三尺

心存厚道知進退

奈何有人裝大醉

既難忍辱作瓦全

當然拚死將玉碎

當年前任縣太爺曾經指出、年青人不一定須要買樓之後才能結婚、已經激起眾憤、然而某位行企會尊貴更厲害、他只爆出一句“紫荊城只有官不聊生而無民不聊生”之後便惹來千夫所指。本來縣大爺所言並不全無道理、只係當時一搬年青人與家人同住一屋簷下已經非常擠迫、想申講公屋非要等十年八年不可。假如輪到自己嘅時候薪全超過限額便會失去資格。想買居屋又冇行、因為政府全面凍練居屋計劃。私人樓宇價格太昂貴、一般打工仔根本上買不起。欲租屋住、租金已經花去大部份薪金、在這種環境之下、試問那些人又憑甚麼去討老婆？假如唔係咁、當今年青人又點會普遍遲婚？因此那位行企會尊貴口出狂言、唔成為人萬人插乸才怪。

雖然有人認為戰中是政客奪權之作、但據傳媒現場訪問得知、其中不少人出來做街頭霸王並非純粹因政治須要、而係趁機會出來對政府在民生處理方面表示不滿。無論你是否認同、其勢確實有官逼民反嘅味道。所謂冰封三尺非一日之寒、前兩任縣太爺不但沒有設法促進本地工業發展、反而通通介紹到內地去、因此本城如斷一臂、雖獲得朝廷以加強服務業作回禮、但打工仔向上流嘅機會就有降無升矣！加上政府無視基層須要而停建居屋去滿足地產市場、已經在民間激起一憤。繼而以發展醫療服務為藉口向內地孕婦招手、搞到本地人嘅利益被產霸和雙非所侵佔、又任憑私家醫院全面向公家醫院挖角、造成公家醫療服務水準不穩定、以致那些年醫療事故頻生、而在民間再激起一憤。所謂發展自由行項目就更加離譜、惹來大群水貨客（實際上似走私多啲）搶貴奶粉不獨止、連日用品、食油、藥物等都被搶貴、又再在民間激起一憤。在下曾經多次講過、咁搞法遲早爆大鑊。因此戰中一開始時勢如破竹、假如不是朝廷手段高明嘅話、恐怕今日已經造成難以想像嘅悲劇矣！

當年戥細樽老王爺復出嘅時候曾經講過、他的急務就是要保證人民獲得基本生存權。戥當時所指的基本生存權就是食得飽穿得暖。世界巨輪不斷運行、只要放眼看看今日嘅神州大地、就會發覺今天人民嘅基本須要絕對不只是吃得飽穿得暖咁簡單。經過大半個世紀奮鬥、紫荊城亦已經由二戰結束之初的那個貧乏的城市進化成為世界第三大金融中心。今後紫荊城繼續向前行抑或打到蹆、就要由紫荊人嘅智慧與胸襟來造決定矣！