高盛睇淡
周二美股大幅波動,先升後回,連跌第三日。杜指朝早抽高282點,之後逐步回落,午後倒跌143點,尾市回穩,收市跌幅收窄至27點,收報17614點;標普500指數跌5點至2023點;納指微跌3點,報4662下點。
美股大上大落,杜指全日波幅達到425點,上午大漲,但個股成交量卻不多,有資料顯示係有ETF基金回補空倉所致。
美股上午大升原因之一是對歐洲量寬的期望。經濟合作暨發展組織(OECD)上日表示,歐元區整體的月度領先指標維持在100.6。但德國和意大利經濟或會放緩。德國領先指標由99.6跌至99.5,意大利指標由101.1跌至101。德國係歐元區經濟龍頭,經濟唔得,即時推高市場對歐央行將會在今個月的議息會議上決定推出量化寬鬆的政策的期望。這意味着市場上將出現更多的現金和流動性,對股市有利,歐股昨日反彈,其中德國及法國股市都升約1.5%.。
美國內部亦有消息刺激股市早段上升。第四季美企業績公布潮由美國鋁業周一收盤后掀開序幕。打頭炮的美鋁四季度扭虧為盈,當季淨盈利1.59億美元,而上年同期虧損2.34億美元,盈利狀況大幅改善。第四季營收為63.8億美元,同比增長了14%。營收及盈利都好過市場預期。分析指出美鋁經營得以改善,美鋁更注重生產為航空、航天和汽車行業使用的零部件和板材,並降低了鋁冶煉的傳統業務的比重。
儘管歐股及造好,以及美鋁好過預期的財報帶給了財報季一個好開始,但大市經過朝早一輪急速補貨後,繼續回復疲態。以美鋁為例,股價由市前上升,變成最後不升反跌了超過2%。無他,國際油價唔企穩,紐約期油最多跌4%,油股繼續下跌,拖住大市後腿,Chervon昨日再跌1.8%,係跌幅最大的杜指成份股。
投資者仍然心慌慌,從股市恐懼指標VIX指數繼上日升12%,昨日再升近5%至20.5新高,睇到投資者仍然驚未過,市場避險情緒高漲,10年期國債收益率下跌了2個基點至1.89厘,反映資金正從股市流入債市以及金市。
高盛美股策略師David Kostin有啲睇淡,預計美股在四至六周內回調,因為市場之前太睇好了。
另一方面,在很多人睇淡能源股的時候,有「油神」會稱的投資大戶皮肯斯 (T. Boone Pickens) 近期一再主張,已腰斬的原油價格將反彈回原有價位每桶100美元,主要理據係低油價將刺激原油需求成長。另外,佢又睇好能源業的併購活動將會更活躍。值得留意嘅係皮肯斯唔單止噏,亦身體力行,最近加碼接近1千萬美元買了三隻美國能源股,令到佢嘅投資組合,能源股的比重高達97.8%。
陸羽仁
陸羽仁覆網友
小貓:我都等緊h股調整得深啲買吓嘢,但目前未跌得夠。
Bobofox:你問號太多,我試答一兩個,未答晒你再問我。農行是四大行中最差那一隻,佢2010年上市而家過晒上市後三年保護期,更不放心。論股工、 中、建行都好啲,炒上落唔使買佢,要買都唔好單買一隻。
可以專心炒幾隻,但內銀內房可以平衡一點,內房2202和688走上落都幾好。
若存人民幣,不如分注沿住油股氣股落去時,用啲錢買油股氣股,收息唔差幾,長線有人仔因素,亦有公司週期因素可博。例如好似你講8、9元開始分段入883。
債券基金宜減持,雖然債價可能因為放水而仲有得升,但已經好貴,有啲危。
子龍: 你唔係話要停戰一年做義工咩?
嘉能可於2011件上市, 當日商品股如日中天, 個個都話商品差唔多要大插架啦, 終於要成三年先兌現... 今日誠哥沽地產持股, 加上一公里居屋交表龍, 樓價如日中天, 都應該要大插架啦, 咁依次幾時兌現呢...
起來, 起來. 今日要買野......
商品股逐瓣冧
2015年01月15日
特首發表《施政報告》,結果同陸羽仁收到的風一致,政治上多嘢講,樓市無大嘢,幾個舉措都唔算係大動作,主要都係將啲公屋轉居屋出售,同埋繼續增加推地。個市午後回落,相信主要係同內地A股偏軟有關。
政府無在樓市再落重藥,要留意反而係《施政報告》話,足夠及優質的人力資源是香港社會和經濟持續發展的首要條件,卻推算香港的勞動人口預期於2018年左右開始下降,相關決策局已制定全面政策回應。人口增長先能夠創造經濟活動,如果人口增長放緩甚至回落,對樓市股市都無好處,2018年好快就到,特首啲招數靈唔靈好快就有答案嘞。
A股要調整尋底
另外一件事同股市有少少關係就係唔聲唔聲就停咗投資移民。過去已經唔畀買樓移民,香港人好識搵食,就衍生出有啲莊家叫內地人買股移民,批啲貨畀想移民的人坐住,接貨者買貴咗都無所謂,坐貨成本當做買個香港身份證的價錢,𠵱家突然叫停,呢條米路又斷埋。
今日港股先升後回,因為內地股市跌0.4%,講到港股跟A股嘅關係,有中環茶友問,今個星期A股好似無復氣勢喎?我覺得內地股市𠵱家處於一個小調整期,唔講內地股市喺上年第四季勁升,單係計新年後幾個交易日,都已經爆上唔少,𠵱家個市去番獲利回吐階段,可能上證綜指要見番三千一百點打打底都唔奇。至於港股,呢排就跟內地股市走,多過跟外圍,昨日個市午後乏力,相信都係呢個情況。
A股調整的近因,市場歸咎有十隻新股一齊發行,是次IPO申購潮中最多的一日,令市場資金減少。本來,昨日早上受惠市傳人民銀行續做2800億元人民幣MLF,滬深兩市高開,後來借擔心新股發行抽走資金回吐,變成倒跌。上證指數收報3222點,跌12點;深成指收報11237點,跌118點,帶住港股回落。
不過傳電力改革已獲國務院會議原則通過,呢輪升得已經唔錯嘅電力股造好,華電國際(1071) 升6.5%,為港股通表現第二好股份。恒指跟住內地低收,報24112點,跌103點;國企指數收報12008點,跌54點,成交861億元。
金屬商品股慘跌
各類股份以金屬生產商跌得最傷。油價跌,生產性金屬都無運行,倫敦銅價跌穿每噸5400美元關口,三個月銅價亞洲盤插8.7%,跌幅為六年最勁,累及江銅(358) 急瀉,收報12.82元,跌5.9%,表現為國企指數成份股最差;持有金銅礦的紫金(2899) 也降5.7%。至於嘉能可(805) 尾市沽壓大增,收造30.5元,瀉近9%。鋼鐵股亦受壓,馬鋼(323) 插6.6%,鞍鋼(347) 挫3.5%。
金屬商品跌價拖低相關股票,係同油價回落一脈相承,都係源自美元轉強,以及工業需求不振,在通縮威脅下,資金退出商品市場,造成佢哋價格逐瓣冧。唔同類型商品股中,好似貿易商嘉能可呢類風險最高,因為市場風高浪急,大生大死,一企錯邊好易就打柴!加上商品唔好市,交易及市場活動大減,不利交易商。
能源商品跌價,用家就變成贏家。電力股最近炒作源於成本下降,加上炒作電力改革。不過,瑞信呢個時候卻發表報告,認為華能(902) 估值不吸引,維持「跑輸大市」評級,但目價價由7.5元升至8.6元,以反映受惠減息影響。
瑞信報告話,華能過往獲得母公司注入資產,大部份均位於內陸,面對沿海地區受到再生能源競爭,華能將會受到影響,又指母公司現有錄得盈利資產不多,再獲注入資產機會有限。該行認為,華能預測市帳率達1.6倍,是該股五年最高水平,加上估計股本回報率下調,料難以支持現價咁話。
陸羽仁
2015-01-14
Dow Jones Industrial Average (^DJI)
17,427.09 186.59(1.06%) 4:33PM EST
佛教怎樣培養接班人?
.
寫這個題目,其實是不夠資格的。因為我只看過很少資料,又未曾參與其中。只是看到淨空法師的文章,寫得實在好,便不禁冒昧,寫一點讀書心得。
同時也是一種比較。相比之下,天主教培養人材的方式,便没有那樣有效。天主教培育教士修女,要花十多年時間,而且主要是關門學習。效果就是今天的情况。而外面人也是很容易看得到的。每周彌撒上的神父發言,可以看到他們的水準,其實是在甚麽高度。其實耶穌也談過相近似問題的。耶穌説,你們到時發言,也毋須怎樣準備。到時,聖靈自會引導你們發言的。可惜,教士們的發言,通常並無靈氣。總是小心翼翼的讀出一篇事前擬就的講稿,四平八穩,不得罪任何人。至於有無啟發,你看看聽衆的反應,就可以判斷。
佛教的途徑,其實主要是三條路。據淨空法師所講,三條路都可能達到目標。
這三條路,便是佛法三寶:佛、法、僧。
但六祖慧能,對此三寶另有解釋。佛不是佛像。長時間對着佛像,未必有用。所謂佛,其實是覺悟的代表。佛法的最高境界,是無上正等正覺。
有慧質的人,一旦覺悟,就是徹底明白。讀者如有興趣,不妨看看西遊記。西遊記開首處講到孫悟空千辛萬苦尋師,上課時忽然領悟明白了,不由得抓耳搔腮,在課堂後面歡喜跳躍。
但這種高形式的覺悟,並非每個人可能得到。
所以佛教的培育方式,尚有第二種。
那就是:法。而按六祖慧能的解釋,法也不單純是經書,而是:正。讀書有成,或者不止於讀普,而是探索。探索有了成果,就能走上正途。而這是需要長期努力的。
第三種是:僧。
僧者淨也。從清淨的生活入手,抗拒物質世界的諸般誘惑,也能使人明白。
佛教内部的宗派很多,但一般都是循此三條途徑。覺、正、淨,任何一條路,都是有效的。
但其實尚有第四條路。真心想達成目標,這第四條路是非走不可的。
那就是被壓迫、被封殺之路。
西遊記中,孫悟空被投進爐中,烹煮五百年,智慧這才終於鍊成了。
這才是培育的真途徑。
http://www.leechardasks.blogspot.hk/
RE: "各位如果未看過《學苑》的文章,我建議大家睇完才插咀。我睇部份文章都相當激,例如一篇文說香港人是一個民族,在歷史上和國際法上有民族自決的權利。另一篇文章探討香港武裝起義的可能性,包括港獨派自組戰力,啟動革命,從駐軍和警隊那裏奪得武備,和藏獨、疆獨、台獨的力量聯合對抗中央,或推動廣東廣西獨立,軍力已經超過解放軍軍力一半。又例如外求美國,等中日戰爭,美國參戰時,或會扶植香港獨立云云。"
-----
佔領期間,我也曾力勸朋友們看一下學苑的"香港民族自決"文章,
但我相信以香港人的處事態度,大多數人都只唔會去了解真相
(畢竟連幾十年才存回來的辛苦錢,都不做足功課去投資,何況這種"慶典"式的運動呢?)
會長大人: 睇你啦...
希望明天工行,建行,中行任何一間跌3~5%吧~
小貓還未入夠貨~
bud兄: 縮手不動會無分男女老少黃藍種族, 不過要忍受賬面虧蝕及利潤泡湯的準備喎
見到o的人瘋狂抽屋居, 有少少似當年97o的人去MC記買史路比咁, 真係倒抽一口涼氣
我今次入返飛仔個縮手不動會, 未見4000, 絕不沽出, 睇半年...
我ge做法係20%食一半
loss兄:勁呀~
安答, 聽陸SIR教導, 唔好高追, 調整先買, 有糊先食一半, 唔買雞股, 買H股大股, 學到陸SIR一半功力, 都應該有D收成
安答, 如果我夠膽放過夜, $30放就發啦.....
不過買時既策略係即日不過夜, 見好即收
隊長: 22蚊既股神戰車都俾你撈倒? 勁過股神接班人喎...
12月份成績都OK, 運作不錯, 最重要每天只花半小時, 不影響工作
隊長: 呵呵... 大飛機先插20%再爆上10蚊就好啦...
安答, 我而家主要買一D防守性較高既股份, 忍, 等, 當佢地調整時買入, 有番10%升幅時沽一半, 剩下睇情況再算, 如果下跌, 呢D股我都夠膽守佢20%空間
隊長: 你出山短炒啦...
剛入左2隻野,
2357@$5.02
1816@$3.12
希望放1個月有收成
Cut loss all 2822 @13.8...
SIGH...
整固中,冷靜!
陸sir & 各位:午安!
組長: 越插越有啦...
唔跌得....要升...
插啦... 典算呀...
那長地又幾時先破二舊呢....
公屋都過萬蚊呎 SIGH
新界公屋王 廣源實呎破萬
I don't understand why HSBC continues doing dirty stuffs washing black money globally...
SIGH...
樓價升成咁都話自已見成效,
難道沒聽過馬雲說 請你番來出糧俾你,
不是為了擦老闆鞋, 或者做好呢份工 ?
而是為了解決問題 ,
解決問題叫做見成效;
解決不到問題即解決自己.
高永文的民意高便是為解決問題, 而不惜讓步的能力.
施政報告~
高增值航運服務31. 香港船舶註冊紀錄冊的總註冊噸位位列全球第四。本地約700間公司提供各式各樣的航運服務,涵蓋船舶管理、經紀、租賃、融資,到海事保險、法律及仲裁以至船舶支援服務。隨着中國的航運和造船業不斷壯大,香港航運服務業的發展潛力極大。香港既是內地航運公司「走出去」的最佳跳板,也是國際航運公司進入中國內地市場的平台。香港完全有條件成為中國以至亞太區重要的國際航運服務樞紐。
航運仲有冇得做? 點解唔去問下誠哥呢~
BUD
隻史力加 搵d轉貼都有成50幾個source ref, 可叫做高級吹水低級分析.
本身作為二打六無咩能力, 只可以低級吹水高級談哲學呢.
真唔明油價跌,油股仲企得咁硬?
陸sir & 師兄姐早晨!!
升穿了,睇下會唔會夾淡倉了,
過埋聽日,A股被新股凍結的資金就會開始回流了,唔好睇太淡
...各位早....幾時先到260呢
早呀~
2015年01月13日 (07:07 PM)