古渡離愁

剛過左嘅星期三北上開個唱(操左七首)，呢首係同國內網友第一次操嘅歌----我講我係第一次咋，拍檔出過騷架啦！個人覺得呢首歌幾悶(專業唱家，唱功搭夠，自當別論)，不過同拍檔大家識嘅歌唔同，好難夾曲！所以，既然佢熟呢首曲，我又儘管學嚟同佢試唱吓。唱完大家都覺得唔錯，佢仲約我出騷唱添！嘩，想悶死人咩？

曲情描述：

粵曲中描述詞人李清照及其夫趙明誠的曲，據我所知都有四首：第一首好似係講佢地初遇嘅(我響「戲曲之夜」聽過，唔記得個名)、一首係「金石緣」，講佢地兩位經已結為夫婦，郎情妾意的情節、「古渡離愁」係講趙明誠要出戰，清照在渡頭送夫的情節、而另一首「聲聲慢」，則講趙明誠在行軍時中暑病重，李清明及時趕至，夫婦死別的情況。至於還有沒有其他，恕我孤陋寡聞----唔知！不過，主人翁都死左咯，仲邊有得唱呢？唔係喎！好多曲都鍾意夢會呢個、夢會果個架啦！話唔定....李清照又可以獨唱首「思郎」嘅啫！

日期：2015年1月14日

地點：明輝

演唱者：禮盈/Van

https://app.box.com/s/dafgwjxtslwvm9cvj9ar2jnxc9npj0tc