拉隊瞓身派笑彈 王祖藍:要踢走唔開心情緒!
2015/01/26 11:12:27 網誌分類: 娛樂
| 王祖藍炮製的《老表》系列成功為觀眾帶來不少歡樂時光，踏入2015年，這班老表兵團決定瞓身派笑彈，月底舉行兩場《HEA爆香港演唱會》娛樂大家，祖藍笑言這是「六神合一」演唱會，可細聽懷舊金曲之餘，亦有爆笑舞台劇和棟篤笑。他說：「臨近新年，好想用個棟篤唱來踢走唔開心的事，或許回到現實都仲有好多事要煩，但起碼那三小時大家乜都唔使理，好High咁玩三個鐘，聽歌跳舞開心啲！」在這大是大非的時刻，香港人確實需要更多正能量，觀眾不妨入場笑餐飽，暫忘此刻愁緒。 主持：黃柏高 統籌：林永匡 協力：彭燕燕 攝影：李維隆 無綫劇集《老表，你好hea！》口碑及收視不俗，王祖藍順勢籌辦兩場娛樂性十足的《HEA爆香港演唱會》，務求讓入場觀眾忘憂三小時，他說：「其實好多人需要hea，見個劇反應咁好，觀眾又想睇蔣志光、韋綺姍合唱，於是打鐵趁熱，在這時刻，作為娛樂圈一份子，我們有責任令大家開開心心。」 大讚小寶唱得跳得 說到演唱會賣點，祖藍笑言這是一場「六神合一」演唱會，集結老表兵團上台獻技，既有好歌聽，亦有娛樂性豐富的扮嘢騷，他說：「你期待蔣志光和韋綺姍演唱會嗎？又或是王菀之演唱會、我的棟篤唱，甚至是小寶的《Take my Fat away激情演唱會》？小寶是肥，但她唱得跳得和幾靚女，還有黑妹的懷舊金曲，據聞我阿媽那一輩很喜歡黑妹，以前她在夜總會做騷一定會去睇。」無可否認，這是一場合家歡的音樂騷，祖藍補充說：「其實《老表1》那時已有人找我們開演唱會，但那時Oh Baby只有十多首，我覺得未夠，而今次《老表2》就有三十首歌，所以先話開騷，我只係牽頭人將他們炒埋一齊，自己的棟篤笑會貼近生活，所以每日都留意新聞，一路去到開騷那天都可能修改劇本，又可能會爆些拍攝時的背後秘密，例如究竟請蔣志光和韋綺姍出山有幾難呢？點解由三國到現在都仲要有『三顧草廬』？請他們其實跟請諸葛亮差不多，哈哈。」 韋綺姍唱盡金曲 觀眾期待再見到蔣志光與韋綺姍上台，祖藍坦言當初找他們復出費盡唇舌，若不是蔣志光出面游說，我們未必能見到這對殿堂級歌手合體，韋綺姍說：「那天收到志光電話，說要我幫纒他又來玩纒他，講到一嚿嚿，起初還以為要我做祖藍老婆，說真的，二十年無上台，無铫亦從沒找我做任何節目，我唔識演戲又成日唔記得稿，但他們都很體諒，不停教我做戲，這場騷除了跟志光合唱外，亦會唱些英文歌，有一兩首想係Big Band Style。」殿堂歌手復出獻唱，觀眾最有福，祖藍表明這場騷集視聽娛樂於一身，他說：「王菀之會跟韋綺姍和黑妹姐Jam歌之外，亦會跟我合唱，我當然又係當自己張學友唱《我真的受傷了》，至於神秘嘉賓是你完全諗唔到關《老表》事的。當然亦唔少得扮№部份，有一半《SUNDAY扮嘢王》的演員來自《老表》的，你試想像細細粒扮麥當娜、鄭秀文，上次她扮容祖兒唱《沉重登場》已好正，今次會有更傑出表演。」據聞黃光亮將會以牧師身份上台，蔣志光亦特別炮製多首惡搞金曲，務求令觀眾笑忘憂。 多人爭做兄弟團 王祖藍自言籌辦演唱會的同時，亦在覑手處理自己的人生大事，將於下月十四日迎娶李亞男的他說：「我的婚禮規模幾乎等於一個演唱會，同時處理兩個演唱會又或是兩個婚禮，自己都有點混淆，但再唔搞好件事，我擔心剛新婚不久，婚姻就會出現危機，所以真的要努力，亦答應另一半婚後會休息一個月，跟她度蜜月。至於小朋友就唔諗住，因還有很多演唱會很多劇要搞，寫完《老表1》﹑《老表2》後，我會寫一部古裝，之前寫《老表》群戲多，每位演員都有發揮，這部就會自私一點，主要寫畀自己，好耐無過戲癮。」說到這次婚禮，祖藍說：「因有好高質素姊妹團，鍾嘉欣、苟芸慧、岑麗香、朱璇，姊妹團真係好吸引，好多兄弟聽到即報名做兄弟，又話畀多些人情求做兄弟，但兄弟團就差好多，好在Bob、安仔、阿聰都係靚仔。」 |
 | |
| |
 | |
| |
 | |
| |
 | |
 | |
| |
 | |
|
回應 (0)
我要發表
