佛門清淨地?

寫生都唔俾，真是匪夷所思，有位網民，就曾經遇見過以下的不愉快經驗。

「本來打算來這裡，一面畫一面吸收下靈氣，點知原來志蓮淨苑不准繪畫，寫生的時候，接連被三個保安干涉，一會兒逐客，一會兒又說可以寬鬆處理，結果勉強畫了個大概，就覺得冇癮走了。 

為何周圍的遊客影相可以，我躲在一角寫生就不許呢，真搞不懂是甚麼的規矩！」

香港就是這樣畸型的一個城市，表面上樣樣都規規矩矩，實則是死氣沉沉，容不下一點的彈性寬容和創意，物業管理公司於是乜都執正來做，唯恐犯錯被人投訴，寧緊勿鬆，乜都唔俾，前線實Q，因為怕孭鑊，就執得更嚴厲。 

通常在這些情況，你企硬問他們究竟犯左邊條例，邊條規矩說唔俾，他們大都答不出，總之就是唔俾，叫佢揾上級嚟，佢地好多時，真係會揾個著西裝嘅物業主任嚟，跟住又和你激烈地理論一大場！

有時啲著西裝的人會讓步，話下不為例，叫你待一會兒就好走了，免得大家都難做，算是通容給你；但有啲會非常惡死，當咗自己係執法者來凶你，如果你覺得道理在自己一方，就被迫要繼續企硬。