最後的上課天

「Last day之嘛 ………」

我曾經天真的以為，今日唔會有feel，點知落堂時，認認真真地嗌聲老師再見之後，突然發現，原來好耐之前，已經連企起身都懶得做！

原來呢句說話咁有意思，原來可能已經再無機會再講，突然後悔過往專登同老師鬥氣，後悔無認認真真上過一次堂，後悔今日已經黎到最後的一課！ 

回望過去，恍惚自己依然係中一，恍惚自己依然係咁幼稚，恍惚仲聽到某個老師講話，「眨下眼一年，眨多下又一年」，先發現原來你地係睇住我地大！ 

原來搭住膊頭影幅相，原來一句簡簡單單既感言，原來縱使激到佢地彈起，佢地都依然會掛住我地，原來一個咁簡單既動作，有咁大威力，先發現原來彼此既感情已經咁深。

我會永遠記得今日，記得百六個氣球一齊爆既震撼，記得全級最靚既呢一幕，記得呢間學校比我既一切一切，記得今日喊住黎笑，笑住黎喊。 

遇過既好老師有太多太多，希望你地鍾意呢份中六同學送比你地既禮物，仲有同學們，有咩留番惜別會那天再喊過！