PACO名人會
PACO名人會
PACO名人會

首合作 考對手 古天樂讚佘詩曼執生勁

2015/02/02 08:41:53 網誌分類: 娛樂
02 Feb

        《衝上雲霄》衝上大銀幕,有觀眾至Like的「Sam哥」吳鎮宇和「Cool魔」張智霖兩位型男外,新加入的仲有新戲導演葉偉信愛將古天樂,三位型男譜出三段浪漫戀曲。新入隊的古仔與視后佘詩曼首度合作,原本一對深愛戀人被迫分手,hurt到入心入肺後幾年又超甜翻撻,箇中的愛與痛,二人演技爐火純青無得彈。但古仔對佘詩曼勁有信心,多次臨場改劇本加對白,考驗對手,結果阿佘次次完美執生,仲令這段愛情戲更加有張力,令人期待。今個農曆年,極力推介賀歲片《衝上雲霄》,靚人靚景,浪漫滿瀉。

        主持︰黃柏高
        統籌︰林永匡
        協力︰林書鉉、袁東亮

        大年初一上映的賀歲片《衝上雲霄》,由擅長拍愛情小品的鄒凱光和武打大片的葉偉信聯手執導,剛柔並重,擦出新火花,保證觀眾睇時甜到漏。新片其中一段主要愛情線由古天樂和佘詩曼擔大旗,新入隊的古仔飾演航空公司老闆Branson,型富帥兼識揸飛機,偏偏導演要他演癡心情長劍,《衝》片上映後,應該會再多個男神「Bran哥」。

        以為係Cool魔

        兩位主角首度合作,佘詩曼初時還以為古仔是嚴肅之人,但相識後才發現對方超級好人,不時教她如何演一個能吸引觀眾的角色,令她很放膽與古仔親熱。佘詩曼說:「起初睇古仔個樣,以為佢好cool,都有啲緊張和壓力。點知相處過後先知佢為人好熱情,又識得照顧人,好關心人。戲入面,我飾演古仔間航空公司裏嘅空姐Cassie,同佢係情侶又係上司下屬關係。我兩個自細係青梅竹馬,做咗初戀情人,其後古仔因要接管家族生意無奈跟我分手,在感情路上兜兜轉轉多年,最終我們都有happyending。」

        古仔即場度橋

        男主角古天樂跟葉偉信合作了十幾年,二人互相信任又了解,古仔拍新片時成日和葉導即場度橋飛紙仔,務求每一場戲都盡善盡美。古仔大讚葉導:「今次導演用咗一種少在亞洲電影出現嘅嶄新拍攝手法,畫面超靚,令成套戲加晒分。而我今次嘅角色形象比較新鮮,想畀啲新嘢觀眾。拍每場戲時,我都會同導演再改良吓啲劇情同對白,希望同另外兩段感情線風格唔同。試過拍一場戲前,我同葉導演用咗半晝時間搓劇本,同阿佘拍時就突然加兩句對白,想拍吓佢即時、最自然嘅反應,結果佢好叻執生,唔會令我哋失望啦!」佘詩曼亦讚首次合作的葉導好認真,她說:「導演好似喜歡拍action戲多啲,例如飛機遇上氣流,導演會再生猛咗,哈哈。」

        無對白極考演技

        主角演技無得彈,佘詩曼又好識執生,拍攝非常順利,唯一有場摩天輪分手戲,4分鐘長鏡頭一take過拍攝,全無對白,二人只能靠表情和身體語言去表達情感,考起兩位好戲之人。古仔說:「嗰場重頭戲好影響我哋成段情嘅發展,原本計劃坐三周半摩天輪,兩個忍痛分手係咁喊,導演坐上面一架車拍,每逢拍攝阿佘單鏡,我就望吓導演啲反應,見他們個樣好興奮,知道收貨就順住拍,一路拍一路????實導演表情,點知坐完三個圈,導演滿意收貨。我同阿佘話『差半個圈,未夠三周半喎!』不過導演話夠晒,唔使再拍。」據悉,葉導在3對角色中,最喜歡古天樂佘詩曼這一段,富家子和普通女子拍拖夠寫實,也有許多可發展空間呢。

      

        
 
■原來私底下,Paco和古仔係「酒腳」,Paco眼中嘅古仔細心又好識照顧人,絕對唔cool呢。
■原來私底下,Paco和古仔係「酒腳」,Paco眼中嘅古仔細心又好識照顧人,絕對唔cool呢。
■二人戲水激咀,原來拍時古仔赤膊好怕凍,反而阿佘一啲都唔怕凍,專業演出令拍檔大讚。
■二人戲水激咀,原來拍時古仔赤膊好怕凍,反而阿佘一啲都唔怕凍,專業演出令拍檔大讚。
■在英國London Eye摩天輪取景時,古天樂即興度橋單膝跪地求婚,浪漫到暈。
■在英國London Eye摩天輪取景時,古天樂即興度橋單膝跪地求婚,浪漫到暈。
 
■葉偉信(右二)一出道即同古仔合作,二人合作無間,好有火花。
■葉偉信(右二)一出道即同古仔合作,二人合作無間,好有火花。
■佘詩曼坦言初時好怕cool樣對手古天樂,幸好二人好快入戲有默契。
■佘詩曼坦言初時好怕cool樣對手古天樂,幸好二人好快入戲有默契。
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.