操曲恨~~飄渺間

女平喉曲友, 唱庵遇,至飄渺間......,

唔係高八度,就係吳鶯音,飲恨而回.

鑼鼓師父 , 有時比半段頭 ,有時冇, 各一声,禿

唱, 攪到無所適從,唔知有定無 , 最惨就係唱反

咗.

照錄音帶 , 任姐唱有斷頭鑼鼓, 各 , 才開声,以

為師父實比,誰不知......ｏ

好多鑼鼓師父 , 憑經驗揸竹,理鬼你餅唱帶有

定冇 ?

講真 , 有鑼鼓 ,摸住條綫唱,就易d,如果講完口

白,盲樁樁開口 , 龍劍笙都死.

在戲塲來講 , 食住段頭 , 來個轉身扎架,有時

半段頭唔夠用,要全段頭,才做完整組動作未定.

但唱曲又唔使做,有冇冇所謂,藝高人胆大

者,可以禿唱,如果穩陣計,建議唱時講声

鑼鼓師父聽,或寫在曲紙上,咁就買咗保險

嘞!