年青人上樓

而家啲年青人，成日抱怨社會唔公平，嗱，我身邊就有個朋友，佢用一年時間，就已經上到樓，兼且重創埋業。 

佢係碩士畢業，出嚟做嘢，就做一個文員仔，月入九千，佢慳食慳住，唔食煙又唔飲酒，唔食大家樂，餐餐自己煮。 

終於皇天不負有心人，佢拎住佢儲個十萬蚊，再加埋佢老豆比佢個八千萬，我個朋友就上到樓，同埋創業！

呢個故事係咪好勵志呢？各位年青人，一於加油！