最後一根稻草
2015/02/11 18:57:08 網誌分類: 未分類
落錯車的痛苦，好多人都有。我妹妹五年前因為見到樓下7仔有細路賣丸仔，唔鍾意個地區，就以2球沽左老公間居屋，希望樓價下調些少買私樓，一等就五年，租屋都用左百幾萬，間居屋就升左3球多。
這幾年來聽到不少人冷嘲熱諷，說她敗左老公D錢。阿妹平日好少提起這件事，我亦唔會在她傷口撒鹽；不過有次傾開計，她自己講，說看那天有誰在她的駱駝背上放上最後一根稻草，她就可能去跳樓算數，因為她不知道如何才能彌補這個錯誤的決定。如此做人也真係太辛苦。
我自己十幾年前5球買左層樓，係我dream house，到今天我有時仍在夢中返回故居。間屋升到10球我都唔沽，跟住一個錯誤的投資決定令我在樓價崩潰時沽左層樓填數。今日這個單位值一千五百萬。我都試過唔食藥唔使旨意瞓得著的無數個晚上，但如果死唔去，日子畢竟係要繼續過。
阿妹不是為她錯誤的決定而懊惱，而係人言可畏，令她很痛苦。其實做人每日想著錢太冇意思。只有放下，才可繼續走下去。我反而無所謂，因為沒人可以怪我，除了我自己。到我自己都唔怪自己時，就可以放下。她的情況就唔同，每日都好像活在十八層地獄中，受住無限煎熬。
我好想幫她，可惜我有心無力。如果我中左六合彩大彩池，一定買層樓送給她。
祝小 B 嫲嫲早日康復 ！
我和阿妹一樣，唔想講（係好煩）太多老人家現在如何！好累！情願講其他事情 ！
靈灰安置所，idea實在非常好；當然，又係反對又反對。話對交通影響，都係春秋二祭啫，你估D孝子賢孫日日去咩，已經係好隔涉的地方，仍然係不停反對。
姐夫提早榮休，28/2 last day，今天開始自由身！家姐星期六提小B，你放了兩星期假，星期一上學啦。
小B答，我唔想返學，我要退休！
ka ka 不用客氣！小B嫲嫲已經轉了去QE，做埋手術。個手術都有幾大風險，幸好嫲嫲洪福齊天，平安渡過。她這種病，係應該找朱建華醫生醫的，但後來QE找個不高級的醫生做，做不好會好慘。阿妹話家家有本難念的經，叫我不要問。
我媽咪個波友正是朱醫生的病人，在養和做了手術現在化療階段，第一張單50萬，還有5次化療。沒有財力根本頂不住，如果要賣樓醫病，我估個老人家自己都唔同意。這位auntie家境富裕，錢係她自己的，最多將來分少D給子女，她有權選擇，但好多老人家沒得選擇。
唔該曬 ！
剛上ticketbis瀏覽一下, 就有一位網站的Jason Kwok 跟我 live chat，妳可以請令公子上網chat下。
ka ka, 我多年未有去英國睇波。以前係英國同事幫我在Bloomberg機找到賣家（係咪搞笑）與及我識得季票持有人，他們俾飛我。最近建築師朋友遠赴倫敦看阿仙奴對摩納哥，他在www.ticketbis.com.hk 購票，妳可上網查看一下。另外電視有個廣告，係Peter Wong賣的廣告，都係講從香港購票，妳可叫令公子留意一下。香港有很多旅行團都有代辦，比如康泰，有球票加機票酒店，但坐直航（BA）要附加費；可考慮Emirates，雖然要轉機但這airlines不錯。不過康泰5月只有2場阿仙奴，其他球隊我沒有留意。
阿仙奴迷可以在官方網站登記成為Red member，或可買到季票持有人出售的球票。其他球會我就不知道。
Persie , 阿仔 5 月去英國做專科硏究，想順便睇場英超，請問在香港買票點買最穩陣 ！
Arsenal 2-0 Everton
雖然唔係踢得幾好，勝利就夠。多謝Ospina冷靜救我們幾次！
Hello 李聯廣，我知道架，我的#405在$3.65-$3.85時買的，都有諗是否應該沽或者全部留低收息。我亦不會在這個價位買入#778。
我最失敗沽出部份中電，沽升，又有$1息現在收唔到。都怪自己手痕，
Persie, #405、#778睇圖都升穿晒阻力位，嚴重超買，尤其係#405。我沽清後一直睇住都因太高入唔番。
同你相反，我只剩低#823，相比#405及#778，#823從高位已回番8%，抵買好多。我覺得冇貨的話，近49蚊已可入第一注。
chanreborn
I miss u ah
Hey chanreborn, hope u r fine. Our team is not fine though，睇到我嘔血.
恭喜發財，祝身體健康，事事順利，財星高照！
ka ka，冇法啦。所以我地都要儲定藥費，到醫到冇晒錢就去公立醫院求解脫。養和，法國，浸會這些醫院也真太貴，別無他法。
Persie and blog mates , Kung hey fat choi and happy lunar new year ! Just to say hi here
令人失望的演出，阿仙奴首回合負摩納哥1-3。最初抽到摩納哥勁開心原來又係幻像。留力打前四啦！
人地Berbatov入球不慌不忙，我地又慌又忙都入唔到，又係一場空。
任人宰割 ！
小B嫲嫲未有好消息，竟說係未知甚麼病，羣醫束手咁話。我聽左都O嘴。
幸好老人家打滴後，覺得舒服了許多。
女性朋友很開心說香港電燈終於升左。我答，小姐，明天除息。她說，吓，空歡喜！
這些可愛的小姐，自己買了什麼都未知，但她的portfolio有幾百萬，不過她有電燈，#405，也不差！本身係專業人士，在工作崗位上絕對係叻女一名。
今天放假，去馬莎閒蕩買了許多東西，售貨小姐很熱心推介。現在的套裝也可在家機洗，真方便。我未試過，試下先。
巴塞2-1贏曼城，先勝0-2（阿蘇）領先，下半場阿古路1-2，Clichy 紅牌，最後一分鐘巴塞獲得12碼，Hart撲出但美斯補唔中，非常罕見，宴客好醜怪！呢場耶耶停賽冇得打。
今晚到我愛隊出戰，希望可以先勝一仗。
修咸頓不敵利物浦，曼聯昨晚敗於史雲斯，阿仙奴又擊敗水晶宮。聯賽排名因而改動，阿仙奴重上第三名！
Yeah！
ka ka, 小B嫲嫲一向睇開這位醫生，不會轉醫生了。她是一位癌症康復病人，所以都好擔心relapse。
有位auntie在養和醫院逝世，醫療費總共90幾萬，講緊係最後一張單，未計一直以來的醫療費。值得不值得，只有家人可以決定。
我等唔切政府的全民醫療保，自己買左公司的一份，50-59歲每年保費$4200，雙人房，賠償上限30萬，再加自己已經買左的AIA醫療保險，頂住先。
奶奶入院第五天，情況轉差，我們巳做好心理準備，見到佢咁辛苦，心痛無奈 ！老公日日係醫院照顧奶奶，我見到佢也好擔心同辛苦，只好默默在背後支持佢，準備一日三餐好味既湯飯餸比佢哋食 ！今次醫藥費會好大 ，我好擔心，唔敢出聲 ！
我依家好欣賞老公，一個對媽媽咁孝順咁好照顧既仔，到我人老珠黃既時候佢應該都會對我好好 ！親人最可貴，錢洗咗咪算囉 ！退休咪慳 d 洗囉 ！
旺角有個鄺醫生，醫務所晩晚爆滿到半夜，如果你經濟唔好話比鄺醫生知佢好樂意收你少 d 手術費 。我次次見佢都氣定神閒 、笑容滿面、詳盡分析我既病況，慢慢同我商討需要和值得做的治療方案 ！口碑好好 ！
祝小 B 嫲嫲大步欖過 ， 早日康復 ！
Persie, 請小心選擇醫生，老人家多少歲？住私家醫院，樣樣都是錢，如果醫生無醫德，一定會叫你嘜都做，年紀太大未必受得到大手術！如不是太緊急，問多一個醫生既意見可能好 d ! 唔好意思，我多言了 ！
小B嫲嫲都係入私院，我估公立都爆滿晒，她的主診醫生外遊未返，明天才回醫院。現在插了胃喉同做化驗，暫時找到一位有口碑的醫生診斷，他一按她肚子她就痛到大叫，醫生說，這樣還不入醫院？好像說懷疑腸塞，腸有問題。
//有冇老人院係可以男女一齊的呢？//
有 只要你有經濟入住 乜都有為顧客提供 不用擔心
soho, 阿妹幾年前賣左樓有二百萬，就算只係買我常買的蝸牛股，有6%股息，都有12萬一年。假設月租2萬，都有一萬補貼，都不會冇晒舊錢。阿妹買些少股票牛熊，應該不會輸晒D錢。上次在她書檯上見到一本簿，寫住「葵花寶典」，非常得人驚，我翻一翻，原來係她買賣股票的紀錄。她買的股我不懂，我見到一股兩個幾，但一買就二十萬股，共五十多萬本金，但她好快沽出，也沒有見她虧損。本簿在當眼位置，想來她老公也見到，應該沒問題。阿妹愛走偏鋒，就會如此投資投機。
如果退左休，我反而希望通縮添。當我冇收入，食老本，D生活必需品便宜D更好。今早落大家樂，食開最平的早餐加左一蚊，現價$22.50。
soho, ka ka，我們只能好好照顧老人家，在我們還有機會的時候。小B嫲嫲病了數天，總在嘔，騙家人說吃了不潔食物，今天終於頂唔順告訴我妹夫她好唔妥，原來她心口，肚子都好痛。醫生說要做一連串tests，可能係頑疾復發。妹夫好傷心和擔憂。老人家就係怕新年之前入院，怕過唔到大節。soho, 妳媽咪大步欖過，我非常戥你高興。
人生就是這樣，幾十年過去，忽然有日就要告別，捨不得也得走。
我將來不知會怎樣，是否入老人院告老？有冇老人院係可以男女一齊的呢？
花姐，謝謝妳，阿妹會捱過的。我祝妳身體健康，肥仔錫晒妳。
Persie,祝你身體健康,股票常賺!也跟這裡網友拜個年
一生快快乐乐，一世平平安安，一家和和睦睦,愿你生命中的每一个愿望全能得到实现！新春快乐！
正如soho所講,家家有難念的經,我都怪死鬼老公,但人都死了,
你還帶住怨恨過活,好辛苦唧,一生有主伴行就是福氣,定能
跨越苦難,彩虹就在前方,加油,叫你妹妹要堅強,辦法總比困難多,
為了那些無關痛癢閒人八婆的說話去了斷,晒氣~結果人家笑到碌地
咪咁傻,現在肯交心的同學朋友,我珍惜這份友誼,白眼嗎,我比你更擺款,
踩你有味,做回自己,懶理人家咀臉。
Persie, 投資市場俾一班大鱷玩晒, 金股匯樓市都係難以捉摸, 就算有人大賺, 都係袋不穩, 一日未離場, 早晚會嘔番出黎, 就算輸到一乾二凈, 他日有錢在手都會心思思再賭過, 這是賭徒心態, 邊到跌低邊度起身, 妄想一雪前恥, 結果愈陷愈深, 難以自拔
kaka, 我好耐冇逛 blog冇留言及打牙較, 工作忙.炒股忙, 家事亦忙, 去年年尾, 老媽急症入院, 做冬時仍未出院, 我地已有心理準備, 但皇天有眼, 老媽總算保住命仔, 今年初剛康復出院, 能一起迎接羊年值得珍惜, 你有個好老公及乖仔, 實在替你高興, 祝你及家人身體健康.萬事如意!
家家有本難唸的經, 做人有苦有甜, 但生活確實艱難, 百物騰貴, 消費容易搵錢難, 我唯獨覺得衣服價錢合理, 油價跌了這麼多, 交通費卻有加冇減, 買個麵包八蚊雞幾啖食完冇飽肚感, 酒樓食肆小菜加了價但份量縮少, 即係雙重加價, 真要命!
Soho , 我馬年黑仔到羊年 ，年三十奶奶下午突然氣促和呼吸困難，嚇到我即call 白車入急症室，肺炎 、肺氣腫、低燒醫生要即收入院，奶奶咁多痛症又冇自理能力，我們唔想佢入公家醫院受苦，所以自己抬奶奶入私院，跟開既醫生巳放假去旅行，輾轉咁找到個好口啤既醫生接手，點知醫院話發燒肺炎要收入隔離病房啝，房租 $1900 、醫生費 $1900 一日，仲有係所有雑費、檢查、針藥、都加收 55% ，今次大件事 ！天呀 ！我真係好累！
Persia , 祝身體健康 ！ 笑口常開 ！ 步步高升 ！
soho, 多謝分享，真係好多這樣的個案，阿妹係有諗頭的人，但有時聰明反被聰明誤。
祝大家羊年事實順利，身體健康，投資大利，心想事成！
見大家講開樓市, 想同大家分享一個朋友多年前的慘痛教訓
傻婆 + 衰佬 + 一子 + 一女
一家四口多年前住800呎私樓, 係大型屋苑, 當時樓市由谷底反彈, 升了幾年, 兩公婆覺得樓價彈得急, 認為會跌, 約300多萬賣了自住單位, 諗住樓價跌買番, 唔係馬後炮, 如果佢賣樓前講俾我知, 我一定反對, 理由係有一雙年幼子女係博唔過, 子女讀緊小學咖! 我既性格係極之反對賣自住樓套現等賺差價, 我換過兩次樓, 都係樓換樓, 即賣即買, 唔會博
好了! 兩公婆賣樓之後就租樓住, 售樓套現資金由衰佬保管, 點不知佢偷偷地拎d錢去炒股及玩衍生工具, 唉! 梗係冇好下場啦! 炒股又點會發達丫! 其實衰佬輸光最多從頭黎過, 最慘係輸晒200多萬再欠埋財務公司及碌爆幾張卡, 傻婆知道後用自己卡幫衰佬填都唔夠, 再用自己名義問埋家人及朋友借, 再同衰佬債主重組分期還款方式, 衰佬個底花左梗係唔可以再在金融業搵食啦! 只好改做次一等的工作, 收入減少, 兩公婆再冇能力租$17000的單位, 唯有申請加入阿媽公屋的戶籍一齊住, 但債務重組後還款仍然感到好吃力, 因子女讀書洗費都唔少咖! 別無他法, 衰佬去申請破產
一家四口由住大型屋苑, 變成租屋住, 再變成住公屋, 仲要破產做結局, 要不是當年身痕賣樓, 而家間屋已升值3倍, 千萬身家, 肥過豬頭, 如今卻是一子錯滿盤皆落索, 俾我就晚晚瞓唔著, 生不如死, 我最激心係賣樓不是最錯, 樓價起落冇人可以準確預測, 有早知冇乞兒, 最錯係將萬惡的金錢全數交俾衰佬保管而不過問
點解我鬧朋友做傻婆? 我話你都係做金融界, 都知金錢的魔力及誘惑, 有冇可能將200多萬現金俾老公保管, 多年來完全不過問, 竟然冇商量如何處理套現資金, 就算做定期都會有結單睇啦!! 另外一個令我勞氣的地方係, 沉迷炒股的人絕對可以從日常的言行舉止觀察到, 身為枕邊人一定可以睇到蛛絲馬跡, 但你竟然到事情發展到無法挽回的地步才得知, 實在係自作孽不可活
Persie, 當阿妹再度悔不當初, 情緒低落時, 不防同阿妹分享呢個 case, 係真人真事, 傻婆的個案比阿妹淒慘得多, 而家傻婆仲要受兄弟姐妹白眼及冷言冷語, 傻婆抬唔起頭面對佢地, 每逢做節見面比死更難受, 因為傻婆向家人借錢幫衰佬填數一直未還錢, 我同傻婆講, 要不是你有一對年幼子女, 應該立即同衰佬離婚, 又或者忍到子女畢業後同佢離婚亦可,
祝 Persie 及各位網友新春大吉! 萬事如意!
祝 kaka 身體健康! 如意吉祥!
Happy New Year~~~
Persie,
伴侶和自己的價值觀大方向一致極其重要, 如此才能一起擕手走完漫漫人生路. 你妹妹搵到個好老公咯.
在 此 祝 各 位 : 羊 年 喜 氣 洋 洋, 龍 馬 精 神
祝大家
口常開， 
想事成！
#386中石化發力啦！
番茄，阿妹就係咁，結果活在無間地獄。不過她也有錯，就係唔應該繼續全職主婦，因為根本唔需要，可能她緊張小B的教學。她第一份工做Bank，後來賣基金，考晒牌，為何要放棄？但她說好厭不想再做。
她奶奶每月也需要大筆醫藥費，都係阿妹老公負擔。結果其他兄弟有相連單位他就捱縲仔，但他引以為榮冇覺得有問題。他這種堅忍性格令我很尊重。他份工很好，將來有長糧，我有叫阿妹好好照顧老公。
我有個朋友係09年年中賣左層自住樓, 而家間樓升左我估有成1.7倍, 我呢兩年都唔敢當佢面提樓市, 樓價呢d字眼.
曼聯反勝Preston 1-3，下場主場鬥阿仙奴。真係不是冤家不聚頭！
記起一位曼聯迷friend - 長腿姐姐，但她跟我絕左交。我覺得人與人之間講求緣份，我絕對唔強求。現在又認識了一位曼聯迷（同事的先生），許多時睇波會傾計，還訂下了牙較戰，不知友情可維持多久？
ka ka, 阿妹個人好tough，不用擔心。她以前任職保險界，賣保險賣基金，蒲盡中環clubs（我都要她帶我入場），公私兩面也絕對是個辣妹，哈哈。
不過風花雪月之後，知道那些靚人靚物只是虛幻，於是回歸平靜。