終於睇左《連體孤魂》

週末病重了, 睡到天昏地暗, 但昏迷得再厲害都會醒, 四肢無力唔想出街, 餐飯都係叫外賣就算, 睡又睡得太多了, 上網又上到悶, 做乜好? 於是, 就看了早前買的影碟－－《連體孤魂》

其實，電影上映時我可以去看，但條trailer實在太驚嚇，唔多敢睇。但人類這種生物，真係好鬼犯賤，卒之都係忍唔住買左碟。

結果，真係OK好睇，名模瑪莎XXXXX（唔記得名，但太約有七個字）演繹得OK，雖然成套戲冇乜表情，但末段戴了眼鏡果樣都真係幾嚇鬼。

劇情其實唔差，雖然睇到一半都估到會係咁。如果細心一點，會發覺隻鬼一路都係靠在她的「正確位置」－－左邊。

導演手法反而很令人失望，家陣都仲用緊呢種手法－－突然一下大聲background音效，但原來乜都冇－－呢種手法真係太悶喇！點解，點解咁多年以來，不論中外，都冇鬼片導演可以做到《午夜兇鈴》果種震撼？日光日白的場景，卻令你寒到入心！有時候，真係唔到你唔佩服日本人。

各樣野都半桶水，但創新的意念加上不過不失的影畫效果，以及名模瑪莎XXXXX個perfect身形，都有70分。