𤰉有直通車的港股....

今日真係跌得金, 之前高位狂追貨既股友, 今日驚驚青叫我分析下

後巿會點, 其實都無咩好講, 跌完會再升, 問題係會跌得幾深?

恒指一野就插穿20天平均線, 沽壓可謂相當龐大, 如果聽日唔反彈既話

真係有可能一跌跌到26800 (50天線)至有支持.

跌巿原因一來直通車未落實, 二來傳聞話大陸基金未來只可用30%

資金投資港股, 咁豈不是咪無水?? 不過好彩消息未落實, 如果唔係

穿埋50天線都有可能, 因為八月大跌巿反彈既主要動力就係來自內地

今次巿場唔悲觀都唔得啦...單靠正常發展, 根本support唔到咁貴既價

---------------------------------------------------------------------

講反347, 今日守唔住50天線, 似乎會繼續跌到21.8, 到0個個水平既話, 無論守唔守到100天線, 價錢已經相當吸引, 可以入第一注了!

之前股友叉燒話鐵礦價格會繼續上調, 佢講得無錯, 但我再搵料,
就發覺鞍鋼已經同巴西簽左廿年長約, fixed 鐵礦售價, 所以影響
應該比其他同業低.

---------------------------------------------------------------------

今日為保險, 入左d沽輪平均返風險, 呢一著大家唔可以弗略呀!
就算呢幾日再跌, 心情都無咁差嘛!