新世紀廣場

旺角火車站新世紀廣場經過大半年翻天覆地大裝修，過年前終於攪掂：新店進駐有Uniglo, Mango, 與一田超市....以前原本有嘅商店基本上都響番度。

呢個廣場一向會將同類商店集中一處，好像酒樓食肆/健康產品一般在五樓以上，鞋類又在另一層、衣服/化妝品又在地下及一二樓。

今年羊年，所以商場裝飾都離唔開羊！

以前的美食廣場，裝修後靚仔左好多---各國食品都有：泰國、越南、韓國、日本、...當然唔少得中式食品！而坐位亦較之前靚好多：以前似快餐店，依家真係有點餐廳感覺。

其實無論死物抑或係人都要與時並進，死牛一便頸係冇用嘅！商場久不久換吓新裝、讓顧客有新鮮感；人都係一樣，要有新思維才可以減少代溝，但咁唔代表一切要以年輕人講嘅嘢為專，佢地唔啱、身為長輩要勇於糾正錯誤，否則長久下來，要改也改不來！