市民有義務要為戰中埋單？

呢嗱、開講都有話、一年之計在於春吖嘛、在下恭祝各位博友人人身壯力健、個個財源廣進。恭起、恭起！

~~~~~~~~~~~~~~~~~~~~~~~~~~

頂肺又頂心

綿花裡混針

屢敗唔知錯

日後更不堪

縣府為着向在戰中一役之中蒙受損失嘅人們賠償、便夾硬拿納稅人嘅錢去替滋事者填氹。據說、縣府大賬房掌櫃抓錢華、為補償曾在戰中一役蒙受經濟上損失嘅五個行業（包括：客棧、散賣、食館、嚮導、轎夫）而豁免收取牌照費和其它費用、估計總數高達逾億両銀子。呢嗱、俗語都有講、冤有頭、債有主吖嘛、現在縣府不對滋事者嚴加追究、反而拉納稅人去替他們所犯嘅過錯埋單、根本上是本末倒置嘅所為。這樣做必會在社會上激起連鎖反應、亦會加深蟻民對縣府厚此薄彼而感不滿。除此之外實在再想不出還有何得着？

社會上有人質疑、縣府何解要將賠償責任攬上身？縣府是否為咗避免紫改節外生枝而討好某某政黨、又抑是只要犯錯嘅人夠多、勢夠惡、其他人就要替佢哋埋單？坦白講、如果苦主要索取賠償嘅話、大可以會透過法律途徑向滋事一方提出。如果縣府承認在戰中一役自己也難辭其咎嘅話、則有關官員應當負上責任、絕對不是去慷納稅人之慨。其實免收小販牌和轎夫牌照費用只不過是三幾千両銀子之間嘅事、但一家六百平方米食肆嘅牌照費就要兩萬多両、如果是具規模食肆牌費更加超過廿萬両銀子、加上免收其它如排污費等費用嘅話、條數就認真襟計。講到呢道、最大得益者是誰、相信都唔使問阿貴啦！係嘛？

明眼人一眼就睇得出、每當社會上稍為平靜之際、就會有人撲出來好心做壞事、總之不焫起蟻民把火就絕不收手。我就真係唔知點解嘞、你又知唔知呢？