神話破滅

才子當年曾開腔

英人紳士拒貪贓

今日神話經自破

紳衿食水勝豺狼

有報導指出、英國過氣外相兼現任國會情報及保安委員會主席聶偉敬爵士對「PMR」傳訊公司派出嘅臥底記者透露、可以憑藉他在政府內嘅人脈關係為投資者搭通天地線、安排有關人士與世界各地英國大使認識、以及寫信給部長級人士確保有關公司身份不被公開、但是每半日收取五至八千英鎊酬金。另一名過氣外相兼現任下議院議員施仲榮自爆英國糧食貿易公司每年付他六萬英鎊換取影響歐盟嘅政策。他還自誇在2011年曾經對烏黑蘭當時嘅總理阿扎羅夫軟硬兼施、成功迫使烏國取消對英國糧食公司不利嘅法例、暗示其力量可以伸延至東歐。當事件曝光之後、兩人均已被停止黨內職務和等候紀律委員會調查。

在下依稀記得年前有位才子曾經講過中國人貪污嘅劣根性是與生俱來的、而向來有紳士風度嘅英國人卻不屑去做這種貪贓枉法之事。當時在下心想、在七十年代之前、香江政府各大部門首長都是由英國人出任、難道當時貪污成風真的不關英國人嘅事、難道在1975年被ICAC從英國引導返香江受審嘅前總警司葛柏不是英國人？事實上「貪」乃是人性的弱點、根本上並無種族或國界之分。人若無貪念嘅話、世界上就沒有賭博這玩意、更加不會有戰爭。若一定要將貪污講成係劣根性嘅話、那就是人人皆擁有、分別只在於是否能夠將之厭制而矣！

歷史告許我們、明清兩潮之所以滅亡皆為國滿潮貪官以致民不聊生所致、如今中國貪風同樣到了危害國家安全嘅地步。幸好嘅就係、今日嘅國家令導人能夠鼓起勇氣對貪官污吏狂追猛打絕不手軟、相信只要持之以行、再過一段日子貪風就會受到壓制。但此事講易行難、惟有看中國人嘅造化了！