風險遊戲
2015/03/02 23:47:44 網誌分類: 未分類
多謝陸sir寫了風險遊戲。
陸sir認為55歲的退休人士可以投放50%在股票上。如果放400萬,都不可說係少。
我一向都有大概150萬在收息股票,極少買賣;這包括約30萬中華煤氣,約30萬#405,約30萬#2 中電,約30萬#11恆生;約10萬#2388 中銀香港;約10萬#2638 香港電燈;約10萬 #435 陽光房託。不過我最近沽清了中銀香港和陽光房託。我沒特別理由去沽,只是見升左,想沽出將來買返。多年愛股恆生,都有可能沽出,且看。
我公司行ORSO Fund制度,所以我現時另有一筆錢放在股票市場。當然還有一批令人心酸的匯豐。
另外我會買些少股票作較短期持有,比如剛沽出的#2828,再之前沽出的騰訊,領匯,建行,中行;現在又想買新華文軒,等遲下可收息。
其他400萬,有100萬可以做年金,也可以有100萬做人幣加外幣,其他200萬要再打算下。有新 iBond 當然好,不過又唔會抽得多。可能100萬真係要做穩陣的corporate bond,50萬做港幣定期,50萬做流動資金。
番茄,我真心的,2008 唔使輸真係得少數人。我輸太多唯有用高息股組合。我以前組合內有#576浙江滬杭甬的,但後來沽出左。隻#177江蘇寧滬高速公路都唔錯,你可以研究下。如果我從沒沽出現在已倍翻。還有香港的載通#62都應該穩陣,不過要注意它成交很少。它恆常在高位,我未成功買入過!
我都希望可以財務自由,但越來越覺得好似沒甚麼可能。
昨天好友告訴我他決定了返「家鄉」,他在香港都打滾了廿多年,最後這份工作係合約性質,他被通知今年不會獲得續約,6月底已經離職。他是我第一位在2004年對我講可以用股息及投資達至財務自由的朋友,看來他是未有做到。可幸他賣樓走都可以持有幾百萬,回父母老家住不需要擔憂要再買樓。他的女友份工好高薪,她會繼續留在香港幾年。
聽到這消息我心情麻麻,不過做朋友聚散有時係定律,他回老家會比在這裏開心。
Persie,
你用個勁字形容我, 我真係受之有愧, 我2008年, 以單一年計都有輸, 只係成個組合, 由2004起計到2008年年尾, 當時埋數仍然有利潤而已. 其實當年2007年尾好彩減左d貸, 到個市2008年10月一開始大插, 驚起來好快狠狠的 清左大部份倉, 至唔駛輸埋D本金. 但今年半年多D, 就蝕左4-5%了 .真係要檢討吓自己的可承擔風險水平.
其實每個人都有自己的投資風格同可承擔風險水平, 我覺得你呢幾年巳經搵到你自己的路線, : "高息股組合." 我呢兩年都向你呢方面學習, 月供同分段吸納 823, 405, 006, 1038, (有無其他介紹? 諗緊加D 公路股 ) 作為長線退休收息組合. 目標係5年 後達到財務自由, 不需為生活費而工作. 一起向各自的目標努力以赴吧. ^-^
搞完一輪,#2828唔使輸啦。
番茄,你2008都唔使輸,真係服左你。我在2000和2008都輸,2000賭得太大差點輸到冇得翻身。我覺得你好勁!
我現在恆常有7,8成現金,持有鍋牛股所以跌市我都唔理。大跌前我又已經將一堆不是長揸的平保,騰訊,長實,中國銀行沽出左;#604和#2828就輸緊兩三萬,所以好安心。
新進股友真係要記住,不好在大跌2000點之日清倉,真係好傻,跌勢急到咁,一定有技術性反彈。
我留意到主板的Kathleen真係財力厚,EQ高的投資者,我留意到她不需太貼市但無寶不落,每次都贏,要給她一個讚👍
同係流連在陸sir blog 起碼8年的人,Kathleen勝我幾百條街!
等到今日一開市, 見反彈就開始不停減貨套現, 現金比例增加到近60%, 一個相當安心的水平. 可能人年紀大左,保守左, 而家真係無 2004年, 初入股場, 就合埋眼沖入去85%持股嗰種勇氣 (其實係無計劃加唔知死), 諗番轉頭, 07,08年走到, 埋單重有利潤離場算係有運.
八號風球,大家都安全歸家,吃過晚飯了?
蕃茄:最近一段時間工作較忙,沒有買貨,所以之前這個升浪我冇份;連跌四天,也沒有買貨,所以今天報復式反彈又唔關我事! 投機倉超過六成現金,無驚也無喜。 唯一就係一個月前左右有日掛個死雞盤,以為買唔到,兩日後收到結單才知買入,上星期都賺緊十幾個巴仙但沒有放,昨日最低時倒跌十多巴仙,還好今日彈力都幾強,現時帳面跌幾個巴仙算好彩。 短倉持貨唔多,所以也不怎麼緊張;長倉我從來都係坐貨,唔可以話寵辱不驚咁高境界,只係個性使然,自己覺得沒問題,食得瞓得就謝天謝地。
你講得冇錯,只要活著,健康,其他都是次要。
番茄,多謝你。阿仙奴越來越旺,兩奪足總杯,山齊士更為國家隊歷史性贏美洲國家杯,可喜可賀!
睇返網友留言,原來大家持的貨都差不多!可見聚在一起是會有點互相影響。比如我自己係不會買深圳控股,但今次都買左,亦冇止蝕。上次南車我有止,再自己分析一路一帶我決定不再買入此類股份,所以某些股係要止蝕。
不知昨天買的是否又倒了落鹹水海?
健康永遠係最重要的,大家要保重。
Persie, 主席, 馬仔, 李聯廣,
呢三個月嘅所謂中港大時代真係好似燒煙花一樣, 恆指望落同年頭好似一樣係23500, 但我個股票組合就由今年最高 +15%, 轉變為年頭至今 -8%. 大部份係呢3個交易日蒸發了. 27000點插落來,一入貨即死, 有兩三隻股,呢兩日,日日跌10%.
但不知是否經過2008金融海嘯的洗禮/鍛鍊, 同埋近一個月耳聞目睹數位親友突然身患重病/或離世的情況, 覺得人生本來便很虛幻, 自己對金錢的執著似比以前放輕了, (亦可能因為自己不是滿倉股票) 覺得最重要是人尚在, 金錢, 相對其實只是次要的.
哈, 幾乎漏左, Persie, 祝你生日快樂, 身體健康. 阿仙奴出年攞英超冠軍!
李聯廣,長倉真係無法,正如你所講,不會把全部盡沽變零倉位。個ORSO Fund 都問題不大,係港股倉差。#2828被狂隊。
如果昨日沽埋中電都冇錯,幾十萬貨。現在就不會沽了。
投資倉賬面利潤繼續縮水。SIGH !
我都入番1注405當做定期。
我買返#405。
馬仔,冇輸就好。最緊要沒貪念,不要高追,不賺也不會蝕死。
倉中的中電和恆生暫時守得住,不知應否先沽出?再跌落去,實輪到它們。
李聯廣,這就好了。你3-5月一定有斬獲。我很少買賣,賺得不多。經紀朋友上星期都叫我放,我只放了長實,留住了深圳控股和H 股指數。其實他說深圳控股這些可以先走,睇下形勢。我話貨少,昨晚他又告知今早個市會杰撻撻。如果3-4月冇買,6月才買,會死得好慘。我有個朋友冇沽貨,今天正股該要輸過百萬了,幸好他懂用期指去追。我這些不懂的,就呆坐等運到了。2828 我係由$90多元買上來的,總和沒有蝕。係#604大蝕中。$3.50有個逃生門,不懂運用呢!我D長倉跌少少,我放左港燈和部份#405,因以往經驗這些股最後一浸都會跌,但重倉的中電和煤氣冇放,在捱價。
經紀朋友話唔使撈底住。
Persie, 都可以算係全身而退吧,只係沖走了帽子(最後入果幾注輸緊)。
我的投機短倉由3月起出入頻密,就算而家都只係好少貨。最失敗就係投資長倉完全冇出過貨,利潤蒸發了十幾萬。不過這其實只是賬面數,因為理論上冇可能將長倉完全清倉。
別了,胡國雄,我的足球偶像。
李聯廣,多謝你,也祝你生活愉快。今次潮退,你全身而退了嗎?
Persie, 生日快樂,身心健康。
聽聞這裡很多網友都是七月生日,也在此順祝各位生日快樂。
主席,多謝!我也祝大家身體康。
舅父仔:身體健康,工作愉快,心想事成,生日快樂
馬仔,個市岌岌可危咁款,我都係唔入住,反正一入就艇的機會很大。
我淨係想入長倉,但既然個市似會繼續跌,也不急於一時了。
今日平手走了2822,執餐茶
馬仔,幾好喎,可以交流下。
我個朋友股市chat group 除了今早有人講了兩句說話,現在死寂晒。小公主朋友私下同我講,「而家去番牛市起點遮,邊會蝕咁多?」,我說,這只證明妳不懂炒股,妳暫時都係不要在main group 發言喇。我不是怪責她,但這樣的說話也冇謂說出來。她只持有少量盈富,屋租唔使交,家用唔使俾,自己個份都有人結帳,信用卡係用來買自己的心頭好,又如何知道人間疾苦。
舅父仔 真架,真喺同TC,fatkie去飲茶架。
多謝馬仔!
妳係咪真係同 TC 大哥去飲tea啊?TC身手不凡!
我倉悶股冇咩上落,係買入隻#604輸多D,我唔打算止蝕。再有震盪加少少。內銀如建行都跌唔深。我仍然監察住騰訊和平保,看幾時再被隊冧時買入少少。
1816幾好彈力
2822都救我一命
主席,就算唔係我生日都成日食飯,因為有其他人生日呢!星期六同家人食,12 位 😝😝 因為小B的魅力。
買股票贏硬只係夢想。港股大時代,我的好友貪勝不知輸現在輸緊50萬,都冇乜說話安慰他了。他4月大勝再加碼,個本金應該唔太大,可能係150萬左右。看來他們用緊衍生工具追,我不懂,冇意見。
舅父仔:係咪好多飯局,親朋好友排住隊幫你慶祝生日? 咁你買邊隊贏啊? 雖然我唔鍾意阿根庭,但個別球員就鍾意美斯,所以都想阿根庭贏,好矛盾。
光纖世界,事事講求快速,所以人生競賽都提早起步,小朋友要愈來愈早開始拼搏,童真不再!
講到股市,大家都任憑風浪起,一於少理。 但我真係唔贊成阿爺救市,優勝劣敗,自然淘汰;市值漸大,救市要動用更多資源,救得幾多次? 難道中國股民咁嬌貴,贏得唔輸得? 又還是要維穩? 如果咁驚,不如唔好開放資本市場!
chanreborn:BB 床唔係咁大,你仲有時間慢慢砌積木。
soho:我換機都係麻煩公司啲手機達人幫我攪掂,所有啲舊有通訊都會重新出現在新手機,但具體操作就唔清楚。
soho, 我冇試過死機,我換機係backup落iTunes然後restore去新機,所有資料齊全。而且我還把whatsapp備份上了iCloud,所以有雙重保險。不過我估你唔係用iPhone?Android機就要問下Android用家了。Restore point 在電腦可以做到,但電話我真係唔識。
iPhones係iTunes麻煩,但保安程度勝Android,這是我選iPhone的原因。
唉!!! 我部手機瓜左, 洗晒所有 WhatsApp 過往通話資料, 買了新手機, 安裝時選擇要回 WhatsApp backup, 但結果仍然係周三晚已刪除資料的 version, 請問你地有冇試過呢種情況? 有冇得選周一的 backup version? 因為周一仲好地地, 通話資料齊全
成日喺呢度出入是好人 ,喺人都知喇,我們個個好低調架,又唔自吹自擂.
除我之外,因我是低能的。gagaga
我今日入咗1816,2822,其實應入早咗。。。。
又睇吓點喇
近來冇貼事玩期指,股感差咗好多。
今年好懶, 全聽number,除了1816外
呢個blog還有一個特色,就係個市點跌大家都仿似不受影響,無動於衷😂😂😂
我係笑中有淚,因為平保本來有兩千幾蚊賺都唔走,我今天平手走左,因為看不透A股,而我看平保可以再跌。#604當然蝕但它有息有概念,我沒沽出。我本來有考慮買中航科工,但它升得太狂,我買不到。深圳控股因為有股息比較符合我買股的風格。
我倉內另外的股票上落不大,見到Loss話蝕緊20%,最少都應該有3-40萬,戥他心痛,希望A股快些穩定返再回升。
主席,6月30號係學期最後一日,小B和同學在學校玩到唔捨得走,個個都似隻濕水鴨仔但又笑容燦爛,我看到D照片都開心。好快他們要經歷人生許多競爭,會冇左呢D天真無邪的笑容,會變左四眼仔四眼女,會為做功課考試的壓力而憂心哭泣,所以我會儘量記住這刻的小B。
chanreborn,你說得對,這兒個個都係好朋友呢!雖然小B唔係我個仔,但他出現令我生命改變了許多,好奇妙,你好快會知道。衷心祝福你和小蜜蜂!
你先忙正經事,我們新球季再講波!美洲國家杯冠軍戰,山齊士惡鬥美斯!
Persie ,馬仔-預產期7月底應該重有時間砌床,不過我都驚好似番茄説有可能早😅不過都好多謝各位的祝福,Persie你成日話這裏人流不多.但是我覺得貴精不貴多更好. 上來的都是令人窩心的朋友! 主席多謝你有心,我們初為父母會努力做好自己,久不久我會探你們,大家要照顧好自己和身邊人呀😀 See u all later in new season !
Chanreborn,
準爸爸通常心情係又興奮又緊張嘅, 不過要早預備好d BB仔用嘅嘢, 因為有機會係會比預產期早出生, 我個女當年就早左約5星期出世. 在此預祝你地一家連同新成員 生活健康愉快.
一早已經 31 度,難得一日假期,大家有乜節目?
舅父仔:小朋友當然有離愁別緒啦! 就算一個普通聚會,玩到興起跟住話要走,返屋企啦,小朋友個個都唔捨得,喊晒口;推而廣之,學期完結,大家各奔前程,想到以後小機會見面,自然會唔開心。
Chanreborn:幫我同小蜜蜂和 BB say hi,夏天出世,到冬天已經有半歲,硬淨啲,就冇咁易冷到,會好照顧得多。
阿根廷6-1大破巴拉圭,yeah!
朋友仔biopsy report,良性。她今晚同老公出外吃飯,慶祝相識25年,可喜可賀。
馬仔,咁快沽?
李聯廣,我今日入左#604。
隻平保很好,我捨不得沽,持有!
chanreborn, 我們這些七月BB,肯定熱情奔放,你都係快些砌好床仔等BB降臨!
不用憂心單程證,遲些再辦。我記得我母親說過熱天陀B好辛苦,我話我七月初出左來,令妳在七八月可涼快過日子呢!
舅父仔。我今日賣走昨日的2828,夠交會費
chanreborn 我同舅父仔都是七月的,多個七月之星好呀!!
chanreborn, 兒子出世後相信你會更忙,不過忙得開心就沒有所謂了。
Persie, 昨日我都補番一d貨,多數都係第三注。2828@$127.1。
Persie,主席,馬仔,番茄,kaka,浪子,李聯廣 ,大家好. 我又上來探大家,呢個6月忙公司嘢又要去宜家買櫃,BB床上月買咗未砌,阿B話7月底出世不過小蜜蜂話阿B成日踢她,我話阿B知道妳蝦我所以咪踢妳囉!不過心情越來越緊張,總是覺得很多嘢未準備好,阿B幫幫手等多4星期哈,不過阿B算幫忙,球季未開鑼的日子咁我就可以專心照顧2母子. 主席,小蜜蜂真是好大個肚了,剛剛續到3個月探親証今個周五開始休假,單程証仲未批唯有等生完後再算。起碼可以在香港待產算是舒一口氣! 大家要保重,錢是搵不完但健康真是無價呵
馬仔,有幾個盤包括騰訊$150我取消左,我唔想一日入晒D貨!
舅父仔 我與你同坐這條船
嘩,跌900點!
平保$100都成交埋,有冇咁恐怖?
主席,小B沒學校收,只好去那一間官立小學註冊。阿妹話繼續搵學校,妹夫話其實不用再搵,個個唔同意見!小B對於之後再見不到班同學,有點悶悶不樂!原來咁細個都識得一點離愁別緒。有一位家長搞謝師宴,等班小朋友最後玩多次。
我覺得旅遊係隨心,想去快去,到行唔郁就想去都冇得去。家姐姐夫係愛旅遊之人所以我提提他們。他們今早飛左札幌,11月去大阪,8月可能再「攝」多一轉!