「騷」過境遷

一浪接一浪，係都唔俾我停！尋晚幾經艱苦終於叫做唱左首歌---好就唔講得架啦！不過以尋日嘅狀況我都算滿意。

五月頭同尾又有兩個騷，七月推左兩個---你估出騷唔辛苦咩！對我嚟講：傷身兼傷荷包！祇不過有時人情難卻，所以尋晚咪要捨命囉！

之前都講過，每次出騷都要擔心好多嘢！驚自己有事、驚拍檔有事.....尋晚拍檔唔知有咩嘢，做左好多與曲情無關嘅舉動----一時雞咁腳走左入後台、一時無情情企響我後面....好彩我呢個病壞，反應遲鈍！對佢嘅舉動視若無睹，以我平時咁精靈，分分鐘出事。

多謝網友尋晚出席，可惜我真係不在狀態(姓賴？)，希望五月果次會好啲啦(下次唱兩首：觀柳還琴與古渡離愁)！萬事俱備，祇欠東風，真係好無耐架。