安守本份,各司其職

2015/03/19 08:35:28 網誌分類: 學習
19 Mar

「各司其職」:就是各人在自己的崗位做好份內的事。

人喜歡批評別人,總覺得自己較人優勝;每當別人工作出錯,便全不留情,依家最時興咪係叫人「下台」囉!換左係你,你敢唔敢包自己唔會做錯呢?

早兩日係今年第一個「唱局」,雖然我把聲仲未開,但係一個月前約晒音樂師父,冇得改期。趁住又係新春,開局前約埋幾位師父飲茶。

其中一位洋琴師父早前去左加拿大探親,其後又因為總總原因冇嚟,今次見倒佢,我:「我以前唔覺,依家玩開樂器,才發覺原來伴奏較唱歌更辛苦!依家啲新曲全部譜晒「工尺」可能好少少(不過唱果個又未必跟倒「工尺」譜唱),舊果啲曲所有梆黃都冇譜,玩音樂果個真係要全神貫注:因為你都唔知唱果位會點唱?」

洋琴師父:「我又覺得你地唱歌難啲喎!我今次返加拿大,冇嘢搵嘢嚟攪,學人響酒樓唱歌,雖知驚到震晒,以後都唔好攪我,我都係玩番音樂好過!」

唱有唱嘅難,玩音樂有玩音樂嘅難!所以,人應該做自己擅長嘅嘢,唔係人人可以做議員、唔係人人可以做特首、唔係人人可以....各有各嘅難處!祇要憑住良心做人,祇要不為金錢而做出埋沒良心的事,盡自己本份做好份工----係真心去做,唔係好似「貪曾」咁,得個講字!

人祇要能夠將心比己,世界就和平得多!

回應 (1)
我要發表
2015/03/19 12:53:14 回覆

每人都有各自的長處,我覺得玩樂器很難!明哥出左一次騷(唱歌)後,覺得掌板個位才適合佢。

user