六度紅館開個唱 側田操肌搵高手Jam歌
2015/03/23 08:43:26 網誌分類: 娛樂
今次好高興搵到當年由我一手提拔入行的靚聲創作歌手側田做嘉賓,入行踏入十周年的他將於6月5日及6日,第六次假紅館舉行個人演唱會,兩場《側田WeTouchLive2015世界巡迴演唱會》顧名思義就係希望歌手與Fans有近距離接觸,以歌會友。為備戰個唱,近排開始操肌Keepfit的側田,正密鑼緊鼓搵音樂人上台Jam歌,到時保證大家可欣賞goodshow外,連encore位都大玩神秘gimmick,好令人期待! 主持︰黃柏高 統籌︰林永匡 攝影︰沈灝南 協力︰袁東亮、林書鉉 服裝︰ICEFIRE 化妝︰YenLai 場地提供︰都會海逸酒店 縱橫樂壇十年的音樂達人側田,識得彈結他、鋼琴外,更兼任作歌、監製等,仲有兩個月又駕臨紅館開個唱,側田坦言心情幾緊張,不過自信愈近開騷日子就能愈戰愈勇。今次個唱主題係他的新歌《WeTouch》,原來別有用心。側田說:「我希望大家唔好成日透過手機接觸,談戀愛都一樣,可以facetoface。所以嚟睇我騷嘅人,都應該熄手機,唔好掛住拎手機錄個唱,然後返屋企睇,而係要真真正正聽我唱歌,enjoytheshow。」 提拔新人 6月的演唱會,側田除了搵來其御用演唱會監製雷頌德,其他台前幕後都會起用全新班底,連嘉賓方面都正積極搵新人:「好希望畀個平台新人多啲機會,好似我初初入行嗰時基仔(古巨基)和千嬅佢哋都畀機會我。個唱會有中樂、管弦樂,搵咗個台灣朋友做鼓手,至於彈琴,就搵咗一個我好尊重嘅失明琴師,佢彈琴好似講嘢咁。呢班高手都係平時我去酒吧jam歌時識,好想同大家分享吓。導演就係平時幫我拍過好多次MV,好熟悉我啲歌嘅世榮。」 搵偶像做嘉賓 積極搵新人任嘉賓的同時,原來側田一直有個願望,希望搵個神級偶像做嘉賓,以解佢心結,側田娓娓道來:「其實咁多年嚟我都想搵呢個偶像做嘉賓,可惜苦無途徑。我未入行時,有一日在跑馬地茶記遇到呢位巨星,我就怕羞問佢『可唔可以影張相?』點知對方話:『唔得!可以影兩張!』時至今日十幾年,我手機都一路keep住有呢幅合照,就係因為呢位巨星downtoearth嘅親民態度,影響咗我入行後對fans嘅態度,就算幾攰、狀態幾差,我都唔會推人影相,希望有朝一日可以同佢同台唱歌,講番呢件事。我搵佢做嘉賓,係有深層意義㗎!」咁啱我識這位「巨星」,我一定會將他的誠意轉告,假如願望成真,真係一大驚喜㗎! 着古裝跳舞 個唱中,側田當然會唱番首本名曲《好人》和《命硬》等飲歌,仲會多翻唱其他歌手的hit歌,其中更會將其飲歌《Volar》重新改編,着古裝大跳hiphop舞。他雀躍說:「今次好好玩,構思緊唱《Volar》時會著古裝在客棧識女仔,跳住hiphop,幾得意。而encore就大玩神秘,個個encore就咁唱歌好悶,我嘅idea係大家都估唔到,總之係好堅嘅performance,希望大家睇我個騷,留到最後一分一秒!」想睇側田在個唱encore位有咩最堅表演?真係要快啲買飛入場啦! |
| |
| |
| |
| |
| |
| |
|
回應 (0)
我要發表