山姆踩屎？

自恃功夫好

行家盡當草

世界輪流轉

驕兵必定倒

所謂世界輪流轉、凡事都會有興衰。自從二戰之後山姆大叔便雄心萬丈要稱霸世界、結果他做到了、而且被尊崇為當今世界盟主。山姆之所以能夠成為老大是全凭藉勢眾財多、而且一直以來從無人敢於向他挑戰。眼見阿爺越來越大隻、而且越來越有錢、山姆大叔便利用扶桑、寶島、呂宋、高麗等盟友在阿爺家門口形城一道島縺阻擋阿爹水路人馬出入。近年來、山姆大叔推動扶桑一哥安屁晉三在東海撩交打、另一方面又鼓動呂宋大佬阿基佬三世和安南老大張盡創在南海也文也武搞搞震、而且反過來老屈阿爺欺負鄰居、從而踩雙腳入東南二海。殊不知阿爺忽然之間推出一檔「亞頭行」出來、便馬上獲得亞、歐、美、非各大洲嘅領袖加入做股東、而且連山姆大叔大部份盟友也撬埋過來做拍檔。最令山姆大叔沮喪嘅就係、連自己地頭嘅喉舌都罵佢錯估形勢、仲喊佢躝都要躝入「亞頭行」吖嘛！這結果對於一向話慣事嘅山姆大叔來講、簡直係無地自容啦！係嘛？！

有人話G7伙其中嘅5伙加入「亞頭行」就可以證明錢比盟友更重要。但實際上「亞頭行」之所以能夠吸引這些經濟強權加入嘅重要因素、就是阿爹願意對否決權持開放態度。這點剛好跟被山姆大叔獨攬大權嘅「細銀」和在幕後操縱嘅「阿銀」絕然不同。若要我用語言去形容嘅話、我會說「細銀」和「阿銀」是獨裁統治、而「亞頭行」是集體領導嘅囉！因此山姆大叔嘅盟友加入「亞頭行」、除了抓緊賺錢機會之外、還要向山姆大叔表示他們受夠了！換言之「亞頭行」不單只是要加速發展中地區嘅發展潛能、而且還要令到「人仔」成為世界上其中一種主流貨幣。由此看來、山姆大叔以經濟手段向它國輸入價值觀嘅企圖、將會因為「亞頭行」成立而受到極大衝擊、亦即是說山姆大叔隻手遮天嘅日子恐怕再也難以維持下去。之但係世事無絕對、今日當頭起嘅阿爺碰上了當頭跌嘅山姆、互相焫着嘅機會其實是相當大。假如有人在東南二海打響第一槍的話、今日嘅一切恐怕都要改寫了！