山姆發爛渣

其門入不得

是凶不是吉

既係冇商量

打到你甩骨

江湖盛傳山姆大叔曾經在「亞頭行」截止登記期限嘅最後兩天、即是三月三十日、派遣大賬房總管前往天朝商討加入事宜、但由於雙方條件談不攏而白走一趟。花家大賬房總管回到金山後便唱衰「亞頭行」水平低劣不符合花旗要求、所以決定拒絕加入。之不過、江湖上又有另一個版本指、奧黑馬要求習大大以八人大橋抬他進場、又要習大大依他的意思去營運「亞頭行」而遭拒絕、結果無功而返。

在四月一日當天、花旗兩架F18戰機飛入南海、並向寶島報稱機件發生故障、然後降落在島上嘅軍事機場。有專家指機件故障並不出奇、但二機同時發生故障就分明係另有乾坤。因此坊間流傳花旗這樣做旨在拿寶島來挑事。相信奧黑馬今後必會加強在寶島嘅軍事動作、甚至會暗中縱大寶獨勢力去剌激天朝。如果習大大膽敢對寶島用兵的話、奧黑馬就有藉口發動盟友（泥沙公約國）對天朝施予經濟制裁、到時「亞頭行」檔攤就會當堂散晒。為着破壞高麗與天朝嘅和睦關係、奧黑馬勢必加壓迫使撲水慧同意他在高麗境內設置反導彈防預系統威脅天朝。加上扶桑在東海及釣魚島發難、呂宋、安南、爪哇、天竺等國又在南海興風作浪、到時習大大就身陷四面楚歌之中。總之奧黑馬就是要將天朝與鄰國嘅關係由好搞到壞、由壞搞到更加壞就是。換言之、花旗嘅全球霸主地位是不容挑戰、他得不到的東西、其他人亦休想得到。呢拿、信不信由你、我睇城中嘅花旗打手又係時候派上用場、一場紫荊大風暴已經在醞釀之中、很快就會呈現在你我眼前。不信？那就拭目以待吧！