博覽館的演唱會

好開心買到梁詠琪演唱會嘅門劵 , 12月21日只演一場 , 因為唔知以後仲有無機會睇到佢嘅現場演出 , 所以點都一定要睇 . 最唔好就係喺博覽館演出 , 太過唔就腳 , 而且場館太大 , 我買$480.00飛都要坐成三十幾行 , 非常肉赤 ! 咁唔抵 , 我卒之都明白點解阿Rain都唔爆 ......

我讀書時已經鍾意Gigi , 就算佢有好多負面新聞都好 , 又或者我D朋友話我鍾意埋D咁out嘅歌手都好 , 我覺得鍾意就鍾意 , 好少會理人地點睇 , 而且我知道哂佢同伊健D感情嘅來龍去脈 , 覺得雙方都無錯 , 要怪就怪Gigi當時思想未夠成熟 , 無考慮到整件事嘅嚴重性 , 所以至會處理得一塌糊塗 ......

點都好 , 而家呢段感情已經告一段落 , 我希望Gigi同伊健兩個嘅事業可以再有起色 , 亦預祝Gigi演唱會演出成功 !