忠奸路更難行

現今香港，俾果班不知所謂嘅議員攪到非黑即白，要走溫和派？尋日都講左：舉步維艱呀(註)！

所謂民主，簡單講句：係少數服從多數！至於結果係咪一定好，冇人知；試過唔得咪再諗、再度過另一個方法囉！所以吓吓講民主，吓吓要一人一票尋求結果，係好浪費時間嘅。

偏偏香港一啲所謂「民主派」，祇係得個名字叫民主，實則處事絕不民主-----淨係睇吓代表全港大學生嘅都係得卅幾票，仲大大聲聲叫要「真普選」；自己黨友有唔同聲音便立刻要滅聲......何來民主？

慶幸果班議員都係一人一票選出嚟，希望過往一直俾「民主」呢兩個字矇騙嘅選民，今後要擦亮眼睛，認住果啲「鷹」，唔好再任由佢地得閒拉吓布、鍾意便拍吓屁股離場、鍾意又濫用議員特權，拓呼班「騎呢怪」在立法會過夜兼開派對、鍾意又裡應外合搵人衝擊立法會......

至於袋唔袋住先，其實民意經已非常清晰，但何解果班嘢仍然要堅持？好簡單啫，所謂食君之祿、擔君之憂；我講嘅當然唔係納稅人俾果份人工啦！嘩，納稅人果份都好可觀喎，咁你諗吓幕後黑手果份有幾多？多到可以令人寧願做走狗、寧願逆民意而行、寧願樣衰到自己孖叉自己......

既然係一人一票選出嚟，佢地唔驚下屆落選咩？當然驚啦----冇得做議員(無權無勢)金主亦唔會再俾錢佢、落選後有可能三失(失工、失樓、失婚)！既然如此，何解唔回頭是岸？

良家婦女有咩事，就話搵律師或者搵人調解啫；江湖事、自不然江湖了啦！收左果啲人錢財、唔替人消災，你估吓有咩嘢後果吖？

再者，香港人最善忘，等到年尾同出年選舉時，去年「佔中」、「鳩嗚」、「反水貨」...如何擾亂香港治安、經濟....可能都忘記晒！佢地仲有一線生機。

註：

舉步維艱：指行走困難行動不方便，形容處境或行動十分艱難。意為生活比較艱難或者做事情困難重重，每一步都遇到困难難。