釋迦牟尼主題樂園

香港只得2個大型主題樂園，未必能夠滿足所有鍾意玩的香港人需要，但如果香港有第3個新的大型主題樂園，一定會令香港人很興奮，但如果搞個和神與佛有關的主題樂園，又會有多少人有興趣去玩呢？

出名創意十足的高登巴打，最近就提議在昂平搞個「釋迦牟尼樂園」，經過巴打們瘋狂改圖後，設計出很多又好玩又搞笑的設施同景點，而迪士尼樂園的經典人物會來個大變身，化身成為菩提老鼠、Donald僧、佛祖小熊牟尼、唐老納、白雪施主等。

第一期設施有《飛越五指山》、《輪迴咖啡杯》、《親子舍利D.I.Y工作坊》、《老納館》、《舍利奇緣》同《投胎Story》，第二期設施就有暢遊樂園嘅《輪迴號列車》、連接港鐵欣澳的新《強國人列車》地獄站、當然唔少得《地藏王慶典》、每晚壓軸的《佛都有火煙花匯演》，同巡遊表演的《地獄巡遊》及《十八銅人巡遊》。

而主題樂園內，會不停播放高登巴打們的原創佛歌《三千世界》，由兒歌《小小世界》改編，有廣東話、英文、日文同德文等多種版本的MV。

咁多嘢玩，大家一定會玩到又餓又攰，巴打們好細心，邀請了「佛當勞」餐廳加入樂園，畀大家玩到餓時，填飽肚再玩過；「佛當勞」唔止有特式美食，仲有大家好耐無玩過嘅急口令，真係估唔到連間餐廳都可以咁好玩。