Nassim Nicholas Taleb - 超級大師 of randomness

轉載 

金手指：小心睇完會改投資觀

孫柏文呢排反覆諗「BlackSwan黑天鵝」概念。相信大家都知，話一件事係黑天鵝，等於呢件事有三大特點。博客Moneycafe解得最好：

1.事出突然，發生前完全預計唔到。
2.影響深遠。
3.不過發生之後，就好多人提供好多合情合理既解釋方法，話：「一早應該預計到啦！」

好多人鍾意用911做「負面黑天鵝」既例子。將黑天鵝概念發揚光大既NassimTaleb，就鍾意用互聯網、雷射、電腦既興起做「正面黑天鵝」既例子。呢幾日，博客Moneycafe就諗：「今天金融市場複雜得令人害怕……到底次按危機係咪黑天鵝？」我亦應承今日答佢。孫柏文可以斬釘截鐵咁話：「Depends！」

大家睇到呢度，相信又想「網絡欺凌」我。應該已經破口大罵：「Depends？咁係咪黑天鵝先？」其實一件事係咪黑天鵝，取決於觀點與角度。

「慘過八萬五」

Taleb既佢本書裡面講過兩個人。第一個就係投資銀行裡面既典型統計學博士。第二個就係投資銀行裡面，由「派信仔」做起既高級炒家。Taleb話如果你問佢地兩個：「有隻銀仔擲毫連續開左99次「公」，咁第100鋪開「公」既機會率又有幾高？」

統計學博士就會話：「擲毫，下次開「公」或「字」 機會率都係50%。」相信你呢個懶醒fan屎都係咁諗。不過高級炒家就會話：「連續99次「公」？個銀仔肯定有問題啦！第100鋪肯定都係「公」！」

將佢地既分析伸延，如果第101至200鋪都係「公」，對於統計學博士嚟講係一次黑天鵝，因為佢用既計算程式model話每鋪「公」得50%機會。不過對於個高級炒家就唔係，佢未必知個銀仔既問題响邊，但係因體現左《信報》曹sir既「有智慧、不如趁勢」，所以贏大錢。

今時今日，响各大投資銀行裡面既統計學博士，可能覺得每張次按債券爆煲機會得50%。因為呢個係用佢地既model計算出嚟。問題就係100張裡面，已經有99張爆煲，不過如果問第100張會點。佢地一定話50%冇事。所以對果啲信投資銀行「專家」既人，次按危機係黑天鵝。不過，對《金手指》fan屎就肯定唔係。舊年已經話過「花旗國樓市將慘過八萬五」！

  大口仔帶俾你既資訊

233