肥媽食平3D

呢個節目，我無法歸類！

說它是烹飪節目，如果你本身唔識煮嘢嘅，睇完都唔會識！

說它是生活消閒節目，果半小時淨係睇住肥媽七手八腳整左幾味餸出嚟，似變魔術多啲！睇果個都精神緊張埋。

早前果兩輯都唔係好，依家呢輯更加係一蟹不如一蟹----難睇嘅晝面、難聽嘅對白！成日講肥媽個老公(佢老公駛唔駛補身關人咩嘢事)，有咩嘢好講？成日講6號溝女(真係響鏡頭前咁講)，咁又關人咩嘢事？唉！好學唔學學碧琪姐，係唔係都加啲有味對白響個節目度！

肥媽好靚？靚唔靚觀眾心裡有數啦。

單從節目睇，其實肥媽好唔鍾意6號做佢拍擋！佢當然認為自己可以獨當一面啦，所以6號響個節目度係多餘嘅----祇扮演小丑角色。可以嗎？橫睇掂睇佢都冇喜劇細胞。

我反而咁睇：以6號果副尊容都可以做幕前，冇番咁上下靠山都唔掂！所以我認為係因為「無線」要造就6號出鏡機會，才會做完肥媽食平D、跟住又肥媽食平DD、依家又肥媽食平3D、遲啲4(死)D.....一於悶到觀眾都死埋！

咁究竟係肥媽靠6號、定係6號靠肥媽先有得撈呢？