武則天

呢輪朋友見面，差不多個個都會問：「有冇睇武則天？」

咁樣證明左「無線」嘅宣傳攻勢係成功嘅！

呢套劇出街未有期果陣，上海個姪女經已多次問我有冇睇？傻嘅，都未播，我點會睇過？我唔係果啲得閒成日上網搵劇睇嘅人。

既然套劇響「無線」出街咯，咁我梗係要睇吓佢有幾咁「正」。果晚睇緊第三集，姪女whatsapp問我：「好唔好睇？」

我：「你認為呢？」我仲以為佢之前睇過，原來佢都係人云亦云。

姪女：「節奏好鬼慢！」但係曾大姐響記招度講，「無線」將套劇嘅節奏加快左喎！係曾大姐講大話、抑或套劇原本嘅節奏慢過蝸牛？

我：「我都睇左唔少大陸拍嘅劇，都離不開女主角是萬人迷，每遇危險都有一位佢嘅觀音兵打救佢(「步步驚心」、步步驚悄」、「甄環傳」...)。但係呢套劇就離譜啲---以武則天咁嘅性格、響宮廷中亂闖 (果陣都未正式有觀音兵)，咁都死唔去，有點荒天下之大謬啫！」

至於封唔封胸呢樣嘢，唔會影響我對套劇嘅接受程度。唔封胸又如何？又唔係未睇過！有「黃金甲」在前，唔封胸都冇新鮮感。

咁其他人意見呢？

有幾位問我有冇睇嘅，其實佢地自己都冇睇過；兩位睇過幾集嘅，都認為唔好睇，咁呢套劇何以為計呢？