向「泛民」說不！

由上星期日開始至本周四，大聯盟不會逐天向外公布統計數字，直至周五晚上才會公布合共5天的數字。

我簽左啦，你簽左未？雖然我之前都講過，政改方案通唔通過，我唔覺得有大問題。唔通過咪一切照舊囉！我真係認為無問題喎。祇不過如果普羅市民唔表達意見、或者抱住多我一個唔多、少我一個唔少嘅態度，好容易俾果班禍國殃民者得逞，仲可以向佢地金主有個交待。

無論如何，我認為有必要簽名支持今次活動。向收左錢而立心不良，擾亂香港社會秩序者俾個「X」佢，又或者「X」佢地。

不過，我有點奇怪，上次「反佔中」簽名運動都要提供身份證核實身份，何解今次咩嘢資料都唔駛俾？咁樣做即駛支持者佔大多數，一樣俾人作口實！

有朋友勸我不要在網誌中談政治，無謂得失人。個人認為，網誌係我發表個人感受的平台，無理由為怕得失人而有所顧忌；個人討厭政治(可惜過去幾十年公務員生涯都離唔開政治！不過，正因為睇得多，局外人睇唔倒嘅嘢，我都睇倒----咁咪睇倒好可唔應該睇嘅嘢囉！睇倒幾多政棍人前人後好似整過容咁囉)，依家退左休唔需要向任何人交待(祇要同自己良心交待)，可以直接講出心裡感受。

我地過去做公務員，真係擔屎唔偷食架！私人機構過年有花紅、雙糧，可以收顧客利事/禮物，做公務員百冇。所以公務員俾人嘅感覺應該係廉潔嘅，因此我特別討厭貪官污吏，佢地令到原本廉潔嘅公務員蒙污！

警務處、地政署、食環署、屋宇署、消防處……難道沒有一個部門跟此木屋有關？難道「公民抗命」四個字就可以抵禦一切法律？

如此公然犯法、擺明挑釁，根本就是在試水溫、測底綫，繼續啞忍，遲早會有人來倒石屎、起大屋，到時才拆它，難矣。

犯罪行為從來都要撲滅於萌芽之時，半年的阻街帳篷你不管，剛搭起的木屋你不拆，掃場的路將更難行。遲早香港會變成這樣……(天橋俾人建屋入住都冇人管！)

賣魚蛋的、賣橙的，推着流動販賣車，插個「我要真普選」靈符，在大街小巷叫賣，沒有人敢拉。咖啡店把枱椅擺出舖外，打把黃傘，沒人敢告。僭建的騎樓，貼幾張「公民抗命」貼紙，無人敢拆。甚至警察追賊，逮住了，賊仔回頭一句：「我要真普選！你政治打壓我！」大概也要放了吧？

別以為我說的荒謬，79日阻街阻馬路而無人受罰的事都發生過，還有甚麼是不可能的？(香港法治已死)

有資深傳媒人為雨傘暴動拍下紀錄片，並總結說：「這場運動美好的地方在於可讓人體現個性，喜歡衝的去衝，喜歡爆玻璃的去爆……它提供了一個場所，讓香港人表現抑遏已久，或自己從不發現的勇氣。」

犯法，原來是一種抑遏太久的勇氣爆發，我驚訝，當罪行如此被美化、被浪漫詮釋後，這世上還有甚麼是不可能的？當權的，不要再怪人家為甚麼不守法，是你們助長了他們的賊子膽。

今次簽名運動，亦代表著向這些冥頑不靈者說「不」！