又係果間「萬寧」？

曾經響「萬寧」買過嘢，都係啲濕碎嘢，但係返屋企發覺少左枝眼線筆。當時心想：可能果件物件太細，收銀員執漏左。都冇得追架啦----呢啲嘢真係口同鼻拗，有咩嘢證明係佢執漏左呢？而且果間「萬寧」又唔響我屋企附近！

事情過左幾個月，早幾日中學同學聚會，反正都係竹戰加晚飯，期間都冇地方可逛，於是我沒有帶手袋，祇用了一個細小的斜孭袋，不過一個環保袋始終唔少得。

我地中學同學聚會通常去佐敦覺士道某會所。我到達時時見距離約定時間尚有半小時，於是便行入「萬寧」消磨時間---點會係消磨時間吖，係消費至真！今次買左一枝唇膚、一枝眼線筆同一盒健康食品。我的斜孭袋放不下那盒健康食品，於是取出環保袋，收銀員好熱情咁幫我將貨品放入環保袋，跟住咪去會所竹戰同晚飯囉！

回家後發覺又少了枝唇膏！咦，記憶中上次又係響呢間「萬寧」喎---是巧合、還是.....是不慎、還是....

依家響超市購物，收銀員間中都會幫手將客人的貨物入落環保袋；超市收銀柜檯一眼見晒，祇要走前望清楚有沒有遺漏便可；但是有些零售店，收銀柜檯有可能有嘢阻住視線，希望大家吸取我的經驗，購物後點清楚物品才離開。