「無線」自取滅亡

2015/06/05 08:28:43 網誌分類: 影視
05 Jun

Bobby不獲TVB續約曾勵珍插手留福將

無綫近年不斷出現藝員逃亡潮,不少小生花旦約滿後不再續約,寧願北上搵真銀。正當鬧「演員荒」之際,近日驚傳無綫「福將」歐陽震華(Bobby)竟不獲無綫續約,Bobby亦坦認獲藝員部回覆「有啱先搵你」。有傳事件令無綫管理層大為震驚和緊張,下令派出戲劇製作總監曾勵珍親自出面與Bobby接洽傾談續約,Bobby無奈謂:「感慨良多,當傾吓閒偈囉。」

眾所周知,「無線」近年似樣少少嘅小生、花旦都向外發展;可想而知嘅,留番係度嘅,一係就係冇人要、一係就係後台夠硬,即駛佢地係盲嘅、啞嘅、冇觀眾緣嘅都一劇接一劇.....咁樣落去,相信不出五年,「無線」就.....

「愛回家」呢套劇其實晨早應該結束,依家不單祇唔結束,仲要加入果啲有後台撐嘅人,延續下去!

「肥媽加陸浩銘」果個「食平3D」以粗鄙兼且令人唧都唔笑嘅對白、滑稽嘅表情嚟製作嘅飲食節目,冇人會有興趣睇架!

雷聲大、雨點小嘅「武則天」,一點不吸引,節奏慢加上劇種經已睇到人有點悶,唔該快啲收檔啦!

「今晚睇李」?唔好意思,我一集都未睇過!因為睇左五分鐘經已頂唔順。

Sunday靚聲王」?淨係睇左頭兩集,其後經已冇睇。要聽果啲歌,我寧願聽番以前果啲原唱!依家淨係睇吓阿姐果晚著咩嘢衫,就可以轉台啦!

上海位姪女尋晚到港。佢亦奇怪何解Bobby不獲續約?我答可能Bobby年紀較大,現時無線冇咩嘢小花可以同佢合拍。姪女答:「點會喎!錢小豪都拍楊怡、鄭嘉穎都拍無線小花啦!最慘係迫人睇黃翠如。」

我:「可能佢地諗住睇得多,觀眾會順眼啲掛。」

姪女:「原本都係,但係依家睇多左,反而覺得佢討厭喎!

我:O咀囉!

唉!穀種始終有日會食完架。

 

回應 (0)
我要發表
user